Kawl Ralhrang Nih Jet Vanlawng in Thantlang Pengchung Bom Thlak A Timh Ruangah Mery Christmas Tuah Ngam dawh a si lo – Thawngpang Dik Thanh Hna Usih


Thantlang Peng Khuate Cheukhat Ah Christmas Tuah Kong Ah Lungawtawm In An Um! Chinland, Thantlang peng khuate hna ah tukum Christmas le Kumthar tuah le tuah lo kong ah lungawtawm in an um hna, tiah kan theih.

“Tukum cu dohthlennak a si bantuk in Christmas le Kumthar hi tuah ngam dawh kan si lo, Nai Kachin bomb a thlak hna hnu khan cun khuami tampi zong nih tuah hi an ngamhtuk lo SAC nih Jet Figter in bomb thlak lai hi kan phang , cucaah a caan si ning zoh in tuah ding in bia kan khiah, tiah Thantlang peng Pastor pakhat nih The Chin Post ah a kan chimh. Zeiruang ah an tih ti ahcun

kan hnu thla ahkhan Ralhrang nih Camp Victoria cu vanlawngin ka kah lai tiah ai timhtuahnak map pawl le hmanthlak pawl an chuah. Cucaah mah hi hi mipi hna i relh lo kar bakah kah a timhmi a si ca ah khuate lei zong an thin a phan khun nak a si tiah theih a si. Kawl ralkap nih hin a u lio cu hmunkip ah Vanlawng hmang in bom a thlak u ca ah mipi zong kan him lo ngaingai tiah a lungretheih khun nak cu a si.

Matupi Ah SAC Nih Christmas Puai Tuah An Timh, Pastor An Sawm Hna. Chin ramkulh, Matupi ah SAC nih Christmas tuah an timh caah nizan December 7 ah Pastor cheukhat he meeting an tuah, tiah theih a si. Cu meeting ah SAC nih an hruai hna i a ra laimi December 20 ah Christmas tuah an i timh caah Matupi khua chung a ummi Pastor a le biaknak lei hruaitu vialte i tel khawh dih ding an duhnak kong an ceihkhan, tiah theih a si.

Meeting a kaimi Pastor hna nih meeting a kai kho lomi Pastor pawl cu an va sawm chin hna, tiah theih a si.Matupi khua um Pastor pakhat nih cun, SAC nih Christmas an tuah lai ding mi ah kaa tel kho lai lo, tiah a chim.

A hlan ah cun cozah nih Christmas an rak tuah bal lo nain tukum ceo ah tuah an timhmi hi cu Matupi ah i tukdohnak a um ti lo, a dai cang tiin thawng dik lo thanh an duh ruangah an i timhmi a si. Cu Christmas puai ka kal ahcun thluachuah zong ka hmu lai lo, tiah a chim chap.

SAC kuttang cozah nih Matupi ah Christmas puai tuah timhnak kong he pehtlai in meeting a kaimi Pastor le a dang Pastor hna nih an i tel khawh lai le tel khawh lai lo kong tu cu bialehnak an tuah hna lo, tiah theih a si.

Rev. Thian Lian Sang Cu SAC Nih Rianhrang Ṭuan Ding Le Thong Kum 23 Thlak Ding In Bia An Khiahpiak. Mandalay Falam Baptist Church ah Senior a ṭuanmi Rev. Thian Lian Sang cu, SAC nih nizan December 7 ah rianhrang ṭuan ding le thong kum 20 leng thlak ding in bia an khiahpiak, tiah theih a si.

Rev. Thian Lian Sang cu a luancia 2021 September 16 ah Mandalay a inn ah SAC ralkap nih an rak tlaih i, 2022 June 15 ah 505(a) in rianhrang le thong 3 thlak ding in biaceih zung nih bia an rak khiahpiak hnuah December 7 ah section 49(a) in rianhrang ṭuan ding le thong kum 20 thlak ding in bia an khiapiak. A dihlak ah thong kum 23 a tla ding a si, tiah a chungkhar hna sinin theih a si.

Kum 42 a simi Rev. Thian Lian Sang cu Khrihfa biaknak he aa kalh in ramkhel rian a ṭuanmi a si lo pinah sifak santlai lo tlangcung mi zong ngandamnak lei a zohkhenhtu pakhat a si, tiah theih a si.

A luancia 2021 September 16 ah SAC ralkap nih Rev. Thian Lian Sang cu a inn ah uniform i hruk loin meithal he an rak tlaih i tangka kyats sing 40 zong an rak lakpiak, tiah theih a si.Rev. Thian Lian Sang cu Mandalay Ubu thonginn ah an chiah i nizan December 7 ah kan ton, a ngan zong a dam ko, tiah a chungkhar pakhat nih a chim.

 



Source link

Add a Comment

Your email address will not be published. Required fields are marked *