Kawlinn PDF nih SAC ralhrang An Kah Hna I Pa 10 Nak Tam Hellram Ah an kuat hna

Tanse ah ralhrang uico pawl humhimnak zohfel in an i chawh lio ah an kah hna i ralhrang pathum annthah hna. Kawlinn ah ralhrang an kah ve hna caah a tlawmbik minung 10 nak tam an thi i PDF pathum nunnak a liam ve.

Sagaing ramthen Tanhse peng Innkakhua hmun khuarmi ralhrang uico pawl cu July 13 zan suimilam 9 pm tluk sh humhimnak zohfel in aa chawh mi ralhrang uico pawl cu PDF tanhse nih an kah hna caah ralhrang uico pathum an thi tiah Tanhse PDf nih cathanh an chuah.

Ralhrang hi milu 14 tluk an si. Innka khua le Ukphusaing khua karkal ah an kah hna i minute 10 tluk an i kap. Ralhrang cu pathum an thi i a dang pahra nih hliamhma an pu tiah tanhse PDF nih an thanh.

Cuvebantuk in Sagaing ramthen Kalinn peng Tayekhung khua cu a voihnihnak ral lamser in a ra mi ralhrang uico pawl cu July 13 ah khan KLPDF tat-yin 1,Kawlin Mipi ralkap, Secrt Warrior(UG) hna i fonh in ralhrang cu kan kah hna tiah Kawlin Revolution-KR nih cathanh an chuah ve.

Cun ralhrang cu Myaungkyi khua lam an hun phanh ah bomb in an puah hna caah ralhrang uico minung 10 nak tam an thi lai tiah Kawlin Revolution-KR nih cathanh ah an langhter. SAC ralhrang he i kahnak ahcun mipi ralkap lei in minung pathum nunnak a liam ve i pali nih hliamhma an pu tiah an telh chih. Ref-People Spring

Be the first to comment

Leave a Reply

Your email address will not be published.


*