Kawlram ah lamkam kutdok zong velh le tangka chuh an tong cang


SAC ralhrang nih kan Kawlram uknak an lak hnu cun kan ram ah pawcawmnak a har chinchin cang caah nitin in thahnawn le firtleinak a karh tuk cang.

Nizan zong ah Yangon khuachung mi tampi an tlonlennak hmun ah lamkam kutdok pa pakhat tukvelh le tangka chuh a tong.

Yangon khua, Lanmadaw i Mawtin timi hlei cung ah kum 70 hrawng a simi kutdok tarpa cu minung pathum an velh i a tangka thong 5 an chuh.

Mah tarpa hi hika zawn hin caan saupi tangka a hal cangmi a si. Nizan chun nazi pakhat hrawng khan minung pathum an rak ra an velh hnu ah a tangka an lakpiak i an zaam.

Tangka chuh a ton pin ah velh a tongmi tarpa cu pawngkam minung hna nih si-inn ah an kalpi.



Source link

Add a Comment

Your email address will not be published. Required fields are marked *