Kawlram Buainak Hi A Tlawmbik Kum 2 A Rau Rih Lai

Kawlram buainak hi kum 2 cu a tlawm bik a rau rih lai. Kawlram ah ralhrang nih uknak an lak kum khat leng a si cang.

Ramchung ah biatak tein kahnak a chuah hi a Kum a si cang. A liamcia Thla 5 chung hrawng biatak tein i kahnak ah khan Kawl ralhrang a tlawm bik minung 10,000 hrawng an thi lai tiah zumh a si.

NUG nih PDF an dirh i Kawlram chung hmunkip ah kahnak a chuak. Tlangcung hriamtlai phu an thazang a karh. Raltuknak caah mipi nih phaisa tampi an thawh hna.

A tu nak fak deuh le cak deuh in raltuknak hi a chuak ding mi a si caah tu hnu kum 2 hrawng ahcun Kawl ralhrang hi tei kho ding in NUG nih an ruah. Timhtuahnak zong an ngei.

CNF nih Thla Hei zong nih Kawlram buainak hi a tlawm bik kum 2 cu a rau kho tiah mipi he an rak i tonnak ah a rak chim bal.

Kawl ralkap pawl hi an thazang a der chin lengmang cang. Mah tiang dirhmun hi Kawl ralkap nih an phan bal lo. An ton bal lomi a si ve.

Min Aung Hlaing nihcun khuapi poh kha tha tein ven ding ah a ralkap pawl a chimh hna. Khuate poh cu hriamtlai uknak tang ah a um dih cang.

Chin ramkulh chung zong ah khuate poh cu CNA le CDF uknak tang ah a um cang. Khuapi lawng Kawl ralkap uknak tang ah a um. Khuate palik le ralkap sakhan poh an chuahtak thluahmah i khuapi ah an i fonh hna.

Min Aung Hlaing nih khuapi vennak policy a kalpi cang. Hihi ralhrang pawl an tla thluahmah cang ti a langhnak a si. A donghnak ahcun Nay Pyi Taw khuapi lawng a tang te lai. Cu hnu ah ralhrang cu kan tei te hna lai.

Be the first to comment

Leave a Reply

Your email address will not be published.


*