Kaya Hriamtlai Phu Nih Uico Ralhrang he an i kap nak Video Facebook Chungah an thlah mi cu a ropui ko

Ralhrang uico 20 leng an thah hna i an nung buin minung 6 an tlaih hna. Ralhrang uico tat-mah 66 h e kahnak ah ralhrang seh meithal, RPG telh in hriamnam tamtuk an lak tiah theih a si.

Chokhleipar| May 8| 2022
Kaya ramkulh Phazusu peng ah ralhrang motor thluan cu Kaya hriamtlai phu komh nih an kah ciaman hna i ralhrang minung pa 20 leng an thah hna lawng si lo in an nun bu bak in uico ralhrang pa 6 an tlaih hna tiah theih a si.

Culawng si lo in ralhrang motor 4 mei in an khangh piak fawn hna. Cun ralhrqng uico an hriamnam tam taktak te lak piak khawh mi chung ah seh meithal le RPG tiang an i tel tiah theih a si.

Kaya hriamtlai phu pawl nih ralhrang motor thluan an kah lio Video cu nihin zing ah social media Facebook chung ah a linsa ngaingai mi Video pakhat a si. Social media Facebook chung an langhter mi Video ah Kya hriamtlai phu pawl nih meithal in an kah cuahmah mi hna le an nun bu in an tlaih mi hna ralhrang pawl le ralhrang motor pali mei in an khangh mi hmuh khawh a si.Ref-Kayah Li Phu Channel

Be the first to comment

Leave a Reply

Your email address will not be published.


*