Kaya Ramkulh Kahnak Ah Ralhrang Thongkhat Leng An Thi Tiah PKDF Nih Thanh

Ralhrang nih uknak an lak hnu ah ramchung cu ral in a khat ko. Raltuk lo nak hmun a tlawm ti khawh a si. Hi chung ah hin Kaya ramkulh hi i kahnak a tam lei nak hmun a si. Ralhrang nih uknak an lak hnu ah Kaya ramkulh chung ralhrang he i kahnak hi voi 360 renglo a chuak i ralhrang a thimi thongkhat renglo an si tiah PKDF nih an langhter.

Ralhrang Min Aung Hlaing nih uknak a lakhn ah Kaya ramkulh chung ah ralhrang he i kahnak voi 364 a chuak i ralhrang lei in a thimi 1336 renglo an si tiah PKDF nih July nikhat ah cathanh an chuah. Cun i kahnak chung ah hin kaphnih a thimi 132 an si tiah an langhter chap.

Ikahnak a chuah ning cang hi kum 2021 ah voi 132 a chuak i tukum 2022 chung ah Voi 232 a chuak i ikahnak a tamchap caah ralhrang uico lei zong a thimi cazin a lnikumnak in 324 a tam chap tiah an thanh.

Ralhrang uico pawl nih rammi pi nawlbuarnak ruangahbkum 2021 Febuary nikhat in Kum 2022 July 30 karlak ah mi sawhsawh a thimi hna hi 241 an si i ralzam i dawr ak ah a thimi hna cu 33 an si tiah an langhter. Ralhrang nih kumkhat le uknak a lak chungah raltuk vanlawng a hman hi voi 137 a si i biaknaklei innlo 22 a rawk tiah an thanh. Kaya ram mipi inn 1121 a rawkral i ningcang lo in tlaih mi 253 an si tiah PKDf nih an langhter. Source-People’sSpring

Be the first to comment

Leave a Reply

Your email address will not be published.


*