Skip to content
Home » Khuate Cheukhat Ahcun Kawl Ralhrang An Tih Bantuk In CDF Hi An Tih Hna

Khuate Cheukhat Ahcun Kawl Ralhrang An Tih Bantuk In CDF Hi An Tih Hna

CDF cheukhat hi khuate cheukhat ah mipi nih tih ding in zoh dawh loin a ummi kan tamtuk.

Ralhrang nih uknak an lak hnu ah Chinmi tampi CNA sinah tintan an kai hna i pengkip le tlangkip ah CDF tiin um cio cu an si hna. CDF tampi chung ah mi zeimawmaw cu khuate ah zoh dawh lo phun in a tlongleng mi an tam ti kha rak theih lengmang a si.

Mahhi kong ah CDF hruaitu pakhat a simi Salai Elishama nih a tang lei bantuk in CM Page he biaruahnak ah fak ngai a chim bal. A tu bel te zeitindah an i hruai ning a si timi theih khawh cu a si ti lo.

“A tu kan Chin cozah cu CNA le CDF hi kan si ko. Mipi nih za ah za in nawlngeihnak an kan pek tikah cheukhat CDF cu nawlngeihnak a hmang thiam lomi tampi kan um hna.

Khuate ah kal i meithal i ken i mipi nih tih ding phun in a ummi zong tampi kan um. Mipi nih nawlngeihnak an kan pekmi hi zeidah a si ti a fiang lomi tampi kan um. CDF kan dihlak cu kan si lo. Cheukhat cu an si hna.

Kannih cu mipi nih cawmmi kan si. Mipi tirawl a ding ei dingmi kan si. Mipi nih kan cawm hna hlah sehlaw a nung kho ding kan si lo. Cucaah CDF nih mipi hi kan tihzah hna i kan upat hna a hau. Mipi lei zong nih CDF kha tih lo ding a si ve.

Khuate cheukhat ahcun Kawl ralhrang pawl khuami nih an tih hna bantuk in CDF an kan tih mi zong an um hna. Mipi nih an kan pekmi nawlngeihnak hi a hman zia kan thiam a hau” tiah CDF hruaitu pakhat a simi Salai Elishama nih CM Pagr he biaruahnak ah a chim. CM Page ah video in rak zoh cio te ko uh.

CDF hi zuu an ding, zuu an ri i khuami an velh hna tibantuk zong a can ahcun a um lengmang tawn.

CDF upa pakhat nih a chim venak ahcun mino tampi kan si caah chimh a har tawk zong cu tampi kan um tak ko. Sinain phung le phai tha tein a ngeimi kan si caah kan phungphai ning tein chimh ngai lo hi dantat an si tawn ko tiah a rak chim bal.

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo