Khuate Pathum Mei Khanghtu Ralhrang An Kir Nak Ah Mipi Ralkap Nih An Kah Hna I Ceilak An Thi

Khuate pathum mei in an khangh dih hnu ah a kir mi hna ralhrang pawl cu PDF nih lampi in an bawh hna i an kah hna caah ralhrang 21 hellram ah an kuat khawh hna. Cu hnu ah bomb in an kah than hna i Bokhat pakhat telh in ralhrang 2 an thah than hna.
Chokhleipar | May 4 | 2022
Sagaing ramthen Minmu peng Chung ah ralhrang hna nih khuate pathum bakte an luhhnawh hna i mei in an khangh hna. Cuticun ralhrang hna cu mipi ralkap nih an kah hna caah ralhrang 21 an thah khawh hna.ralhrang a kah tu hna hi
People’s Defence Force – South Monywa an si tiah theih a si.

Nizan May nithum ah ralhrang hna cu Minmu peng Padaihthaing khuate an phanh ah mipi ralkap nih lampi an bawh hna i an luhhnawh hna. Cuticun i kahnak a fak i ralhrang lei minung 21 an thi. Mipi ralkap lei an him tiah theih a si.

Ralhrang hna cu Black Dragon Special Task Force Golden Eagle Force – Monywa၊ Black Dragon Special Task Force၊ Golden Eagle Force Monywa le Monywa Fighter Group (MFG) he an i fonh hna tiah theih a si.

Cuvebantuk in Yangon ramthen Kawmu peng Ngetawsan khuate he aa naihnak hmun ah ralhrang motor thluan cu mopi ralkap nih bomb in an kah ve caah bokhat ralhrang telh in minung pahnih an thi i minung pahnih nih fakpi in hliam an tuar tiah theih a si. Hliamtuar minung pahnih hna hi Yangon lei ah an kalpi hna tiah mipi ralkap nih an langhter chap.

Cuticun mipi ralkap nih an doh hna hnu ah ralhrang pawl cu an kahnak hna hmun pawngkam hrawnghrang cu humhimnak fakpi in an lak i pawngkam hrawng mipi ralkap kawlhawl nak an tuah len tiah theih a si.Photo – The Hill

Be the first to comment

Leave a Reply

Your email address will not be published.


*