KIA Le PDF Nih Mezaya Ralhrang Sakhan an Phomh I Ralhrang 30 Leng An Kah Thah Hna

Ralhrang Indaw ralhrang sakhan cu KIa le PdF fonh phu hna nih an luhhnawh i an kah hna caah ralhrnag uico 30 leng an thi. Ralhrang bawmh ding a rami motor thluan an kah than hna caah uico panga an thi chap.

Sagaing ramthen Indaw peng Meyaza ralhrang sakhan cu KIa le PdF nih fonh nig nihin zing ah an luhhnawh hna i an kah hna caah ralhrang uico minung 30 an thi i PdF pakhat nunnak anliam ve tiah Indaw Pdf nih cathanh an chuah.

Nihin July 10 zing khua deihlan suimilam 3 am tluk ah KiA le Katha pengkomh tat-yin 2 Indaw PdF i fonh in Meyaza ralhrnag sakhan cu an kah ciaman i ralhrnag uico 30 lengkai an thi hna . Ranksang pakhat a ruak le a dang ralhrnag 30 rual cu vanlawng in an thial tha tiah Ganbalu ah an chiah hna tiah an thanh.

Cuhnu ah zing suimilam 8 am tluk ah Indaw in Meyaza lei ah ralhrang bamwh ding in a kalmi milu 30 tluk nih an i cinhmi motor pakhat cu KIA le PdF nih lam tantin ah an kah than hna caah ralhrnag uico panga an thi i minung tampi nih hliamhma an pu tiah theih a si. Cun ralhrnag pawl a thimi ruak hna cu pawngkam ah an vui hna tiah an langhter.

Meyaza sakhan kahnak ah hin PDF pakhat nunnak a liam i a dang pathum nih hliamhma an pu ve giah theih a si. Cun sakhan pawngkam ah a umm mi kum 15 pakhat kuan nih a khen caah a nunnak a liam ve tiah theih a si.Cred.KIA ၊ PDF

Be the first to comment

Leave a Reply

Your email address will not be published.


*