KIA le Ralhrang Faktuk In An I Kah Cang Tiah Khuami Nih An Chim

Homalinn le Phakanh peng pehnak hmun pahnih ah SAC ralhrang le Kachin hriamtlai KIA pasaltha pawl i kahnak a zualhma tuk cang tiah theih asi.

Phakan peng Sezin khua lei ah SAC ralhrang uico pawl ral bawm a kalmi hna le KIA pasaltha pawl cu nihin chunhnu suimilam 2pm tluk in hmun hnih ah i kahnak a faktuk cang tiah khuami hna nih an chim.

KIA tat-maha 9 tat-yin 36 hmunhma Sezin khuate he aa naihnak hmun Aye hantha khua lei kap ah ralhrange Shan hriamtlai Phu khat SNA ibawm in milu 200 leng hna cu an haw le ral bawmh ding in an kal i. Ihin chunhnu suimilam 2 pm tluk ah KIA pasaltha pawl hna nih Homalin peng Sheedwin khua le Shwepyimyint khuate kar ah an kah hna caah a tuhi i kahnak a zual hma taktak tiah Sezin khuami pakhat nih a chim.

Ralhrang le SNA pawl cu Phakanh peng chung an phannak ding aa naih te cang. Minunte 15 tluk lawng kal a si cang. Cuka hmun ahcun KIA nih lampi in an kah than hna caah hmunhnih ah i kahnak a fak tiah a chimchap.

Tuhi nithum chung an i kapnak a si cang. Ralhrang uico pawl a thimi an tamtuk caah ralhrang nih Jet Fighter in boi tamnawn a kah cang hna. Nihin zing zongah ralhrang vanlawng Jet fighter pakhat a rak zuang than tiah Sezin khuami pakhat nih a chim.

Ralhrang uico pawl nih Jet fighter in bomb thlak ruangah Sezin khuate kiangkap vialte cu ramlak ah an zaam dih hna tiah theih asi.

Tutan Phakanh peng i kahnak cu July ni 16 in aa thawk in nihin ni tiang ah hin SAC ralhrang milu 70 tluk hna cu Sezin khua kam ah chuak kho lo in an taap. A tuhi KIA pasal tha pawl nih chuak kho lo in an kulh ko hna tiah thih asi. Ref-KNG News

Be the first to comment

Leave a Reply

Your email address will not be published.


*