KIA nih ralhrang fak taktak in an phomh cang hna

Shan chaklei Muse peng Mungpaw hmunhma Sisiwanthar tlang le Huwar tlang ah ralhrang le KIA, MNDAA hna cu April 3 ah fakngai in i kahnak a chuak tiah theih a si.

Chun nitlak bak te an i phomh hna. Zingka ahcun Huwar lei i kahnak cu KIA he an si. Suimilam pahnih tluk bak te an i kap hna. Cuhnu ah zanlei sang zongah suimilam pahnih tluk bak faktaktak in ani kap than hna tiah khuami pakhat nih a chim.

Mainphan khua um ralhrang hna nih hriamngan inzinglei ah siseh zanlei ah siseh voi sawmthum leng an kah piak hna tiah a chim chih.Huwar tlang le Tlacamnak tlang ahcun zinglei suimilam 8am ah voikhat chunhnu 2pm ah voikhat fak taktak in an i kap tiah KIA hmaisuang hna sin in theih a si.

April nithum chun hnu 2pm thawk in MNDAA tat-ma-ha 511 le ralhrang tat-mah 99 karlak hna cu Hukan khuate le Sisiwan karlak zongah an i kap hna tiah theih a si. March ni 30 in ralhrang nih an kal hnawh hna caah i kahnak a rak zualhma ngai cang ti a si. Cuka hmun i kahnak ah cun kaphnih lei a thimi pawl fiang in thawngthanhnak an tuah rih lo.

Ralhrang le KIA tat-ma-ha 6, tat-yin 36 karlak zong March 28 ah Mannaung taung khua lei ah voihnih i kahnak a rak chuak i ralhrang nih hriamngan in an kah ruangah innlo cheukhat a rawk mi pawl an um len tiah theih a si.

Be the first to comment

Leave a Reply

Your email address will not be published.


*