KIA nih SAC Sakhan Le SNA Sakhan Pahnih Tuzing Ah an lak

Sezin SAC ralhrang Sakhan le SNA Sakhan pahnih KIA nih an lak tiah theih a si.Phakanh peng Sezin khuate i SAC ralhrang sakhan le SNA sakhan pahnih hna cu KIA nih nihin zingka suimilam 2 am tluk ah an kah hna i sakhan an lak hna tiah theih a si.

Sezin khua ah hin SAC ralhrang milu thazaang 200 tluk nih hmun an khuarnak sakhan le SNa sakhan pahnih hna cu KIA nih nihin zingka tuante ah an lak tiah KIA naihniam mi pakhat nih KNG ah a chim.

“Tuzing ka ah KIA lwi nih phone in an rak ka chawnh. SAC ralhrang sakhan le SNA sakhan pahnih ningtein kan lak khawh cang.Mah sakhan hna cu Sezin khua chung ah a um mi hna an si i naih tein a um mi an si. KIA nih an va kah i sakhan an va lak cang timi cu a dikmi a si ko” tiah pakhat pa nihcun a chim.

A tuhi Sezin khua lei cu phone line a ngah lo caah aa hliam mi le a thimi hna kongah thawngfiang theih a si rih lo. SAC ralhrang nih uknak an lak hnu ah SNA ralkap pawl nih hmunhma uk khawh dingah a hlan nak in an cawlcangh deuh caah an va kah mi hna a si lai tiah an zumh.

Sezin hmunhma chung ah hin a liamcia July thla chung ah SAC ralhrang le SNA i fonh in KIA he ni10 chung bak i kahnak aa thawk i nihin tiang kaphnih karlak ah i kahnak a zualhma ngaingai tiah theih a si. KNGnews

Be the first to comment

Leave a Reply

Your email address will not be published.


*