KIA Pasal Tha Pawl Nih Aungte Cu An Hloh Citcet Ko Ee

Kachin ramkulh KIO uknak hmunhma ah Myanmar beer an van kuat mi pawl cu KIO nawlpeknak in seh in an rial dih hna tiah theih a si.

KIO nih an rialmi beer hi pha 50 tluk a si i a tam ngaingai. Min Aung Hlaing company in a chuak mi hrimhrim an duh lo caah an rial dih.
Myanmar beer company cu ralkap nih an ngeih mi a si i an phaisa hmuhnak bak a si ve. Cu ruang ah ralkap nih uknak an lak hnu ah Myanmar beer cu ding ti lo ding in mipi an hrial cangmi a si.

Myanmar beer cu mipi lamzawh in sandah an piah lio hrawng zong ah khan khualak ah an rak thlet i ke tawlnak hna ah an rak hman tawn.

Mipi nih Myanmar beer cu an cawk ti lo ruang ah ralkap sakhan ah tamtuk an pek hna. Kawl ralkap pawl kha an cawktdr hna. An lahkhah zong zuh ding in an cawk ter hna ti a si.

Cu ruang ah Kawl ralkap sakhan ahhin zuri ralkap an tamtuk i an mah le anmah kar zong ah zurit ruang ah kahnak a chuak tawn.

Ralkap nih uknak an lak hnu ah ralkap company a simi le ralkap nih an phaisa hmuhnak ding a simi poh cu mipi nih an doh dih hna. Yangon le Mandalay ah ralkap he ai pehtlai mi sehzung tampi zong an khangh hna.

Cu ruang ah Kawl ralkap cu phaisa laknak an ngei ti lo caah phaisa a thar tampi an tuah chap tiah Myanmar central bank hi kan hnu ah khan a chim.

Be the first to comment

Leave a Reply

Your email address will not be published.


*