KNDF le A hawi le pawl nih ralhrang Ceilak an thah hna

Moebe nitlaklei kam i Htiri khuate ah hmunkhuar mi ralhrang hngakbuk cu KNDF phu fonh nih an kah hna caah bohmu telh in minung 5 an nung in an tlaih hna tuah theih a si.

Chokhleipar |May12| 2022
Shan -Kayin aa pehnak hmunhma Moebe niglaklei kam i Htiri khuate ah hmunkhuarmi ralhrang hna hngakbuk cu nihin May 12 zingka tuan nawn ah khan KNDF le a hawi hna nih an kah hna caah bohmu telh in ralhrang minung panga an nun bu in an tlaih hna tiah theih a si.

“Zing suimilam 4 thawk in meithal thawng kan theih. Zinglei 6 am tluk ahcun Phekhung lei in hriamngan in kah an rak bawmh hna. Zung 7-8 am tluk hrawnghrang ahcun vanlawng in an rak kah hna nain a thimi le hliamtuar cu kan thei kho rih lo i an nun buin minung panga an tlaih hna” tiah khuami pakhat nih a chim.

Ngaungshwe lei zong in ralhrang motor panga a rak tum tiah kan theih. Khuami tam deuh hna cu ramlak ah kan zaam dih hna. Cun khuami pawl hliamtuar le hartong an um le um lo cu kan hnga kho rih lo tiah a chim. Cuka hmun ralhrang sakhan hngakbuk cu KNDF tat-yin 3 Phekhung le a tangrual hawi hna nih an kah tiah theih a si. Cuka hmun Htiri ralhrang hngakbuk an kah hnu ah Htiri khuate in meng 3 tluk a hlahnak Natpun khuate ralhrang sakhan cu PNO ralhrang kuttang pyituhsit thazaang an chap tiah an chim.

Tuzing ralhrang hnakbuk sakhan an kahnak kongkau he pehpah in a rauhlan ah KNDF phekhung tat-yin 3 nih cathanh an rak chuah colh lai tiah thawng theih a si.Khit Thit Media

Be the first to comment

Leave a Reply

Your email address will not be published.


*