KNDF Nih Ralhrang Pawl Sopviar In An Kah Hna, An Lautuk I An Hriamnam Zong An Zamtak Dih

Uico pawl cu KnDF nih sopviar in an kah ko hna. Ralhrang uico an lautuk i an hriamnam thatha an zaam tak dih. Kan minung kan him ahcun hriamnam tham cu kanmah ta si lo Min Aung Hlaing ta a si ko an ti i an zam tak viar.
Chokhleipar

Phayusoe peng in Demosoe Loikaw pneg lei ah ralhum i thelng ding in Pyidaungsuh lampi a kalmi ralhrang uico hna cu Kaya mipi vengtu (KA)၊ KNDF၊ loikaw PDF le DMO pdf pawl nih Phayusoe peng Htipojso khuate le Dawngekhu khuate hrawng in an kah ciaman hna i uico tamtuk an thah hna.

June 10 in khan kah hram an thawk hna i nihin tiang cuka hmun lampi ahcun pehzulh in an kah cuahmah ko hna tiah theih a si. June 12 ni i kahnak ah ralhrang uico pawl nih hmun an khuatnak hmun ah KNDF lle a tangti phu pawl nih an kah hna caah ralhrang uico minung pahra nak tam an thah hna an hriamnam tam pi an lak piak hna lengah an thilril tiang an lak piak hna tiah theih a si.


Cuticun ralhrang pawl cu an zai tuk an thinhung tuk i cuka hmun i hmun an khuarnak khua Dawngekhu khua le htipawsoe khua hna i mipi innlo cu an bauh dih hna lengah khrihfa biakinn pakhat zong hriamngan in an kah i an hrawh tiah theih a si. KNDF hi ralhrang nih uknak an lakhnu ah a dirmi mipi vengtu ralkap an si ko nain nihin tiangah ralhrang cu tamtuk an klthah khawh cang hna. Myanmar ram chung Mipi vengtu Defense Force lak ah a thawngbik zong an si lai tiah zumh an si.Source-KNDF

Be the first to comment

Leave a Reply

Your email address will not be published.


*