KNDF nih ralhrang uico tamtuk an kah that hna

Ralhrang cheukhat an zaam i KNDF sin ah an i fonh.Kaya ram kulh chung zarhkhat chung i kahnak ah ralhrang 16 an thi tiah KNDF nih cathanh chuah.

Chokhleipar | April 24| 2022

Kaya ram kulh Phazusubpeng Thale le Namphe khua karlak ah ralhrang phu hna cu KNDF nih an kah hna caah ralhrang cheukhat an zaam hna i cheukhat cu KNDF sin ah an i fonh tiah theih a si.

Phazusu peng Thale khuate pawng ah ralhrang le KNDF hna cu April 16 in zarhkhat chung fakpi in an i kap hna tiah theih a si.Kya ramkulh chung zarhkhat chung i kahnak ah ralhrang lei minung 16 nak tam an thi i minung 17 an zaam hna. Cheukhat hna cu KNDF sin ah an i fonh hna tiah KNDF nih an thanh.

April a zarhthumbak Phekhung peng Mobe hmun le Demoesu peng ah ralhrang KNDF hna cu fak ngai in an i kap hna. Ikahnak ah KNDF chung in paraltha hna pahnih nih ram le miphun caah an nunnak an pek tiah an thanh. Cun ralhrang nih ngakchia pakhat an thah. Ralhrang nih hriamngan an kahnak ah innlo tampi a rrawk tiah theih a si.

Demoesu peng Dawkah khuate pawngkam vialte April 14 thawk in nihin tiang i kahnak a zual.Loikaw peng le Demoesu peng chung ah ralhrang nih zarhkhat chung ah inn14 mei an khangh.People’sSpring

Be the first to comment

Leave a Reply

Your email address will not be published.


*