KNLA Cobra Phu Nih ralhrang Bokyi Pakhat telh in ceilak an thah hna

Myawaddy -Wolay lampi ah ralhrang le a kuttang BGF hna cu KNLA Cobra sitkyawng nih an kah hna caah ralhrang uico bokyi telh in minung panga an thah hna. Cun ralhrang hriamnam meithal zong cheukhat an lak fawn tiah theih asi.

Karen ramkulh Myawaddy thlanglei wolay lampi cungah ke in a kalmi ralhrang uico pawl cu nizan July 7 ah khan cobra sitkyawng nih an kah hna i ralhrang uico Bokyi pakhat tel lh in minung 5 an thah khawh hna. Ralhang hriamnam zong kan lak chih fawn tiah Cobra sitkyawng nih thawngthanh nak an tuah.

Ralhrang uico pawl hi milu 100 tluk hrawng an si hna lai. Hi ralgrang hna cu Phalulay, Phaluky hmunhma chung ah aa funhtomh dih hna hnu ah Myawaddy-Walay lampi ah a kalmi hna an si i cobra kyitkyawng nih July 7 in an kah hna i nihin july niriat ah ralhrang uico lei bokyi pakhat telh in 5 an ruak kan fehter khawh hna tiah an thanh. Cun ralhrang uico pawl hi minung tampi nih hliamhma an tuar rih lai tiah an thanh fawn.

Cun ralhrang lei hi a thimi an um len lai i kahnak a chuah lio a si caah fehter khawh an si dih lo tiah an langhter chap. Ralhrang uico pawl hliamtuar le a thimi an um len caah a si lai a tuhi ralhrangblei nihcun nihin zing suimilam 4am tluk ah cobra sitkyawng humhimnak hmunhma a latu tlangcung um pawl cu vanlawng in a kah hna nain mi zeihmanh hliamhma an tuar lo tiah khuami pakhat nih a chim. Source-Khitthitmedia

Be the first to comment

Leave a Reply

Your email address will not be published.


*