KNLA Cu An Mak Ko Cang- Ralhrang UIco Pawl An Lau Tuk Nak Ah A Therh Dih Ko Cang Hna

Thadon peng ralhrang kahnak ah June 13 ah ralhrang uico 17 kan thah khawh hna tiah PDF nih cathanh an chuah.
Chokhleipar

KNU Thadon pengkomh tat-maha 1 KLNA tat-yin 2 chungah ralhrang le mipi ralkap pawl cu fak ngai in an i kap hna.June 13 i kahnak ah khan ralhrang uicobpawl minung 17 nak tam an thi tiah Kyauthtu Pengkomh PDF nih June 14 ah thanhnqk an tuah.

June 13 i kahnak ah hin Mipi ralkap PDF tat-yin 3 le KNU/KNLA i fonh in an i kap hna tiah theih a si. Ralhrang pawl tampi an thi i hliamtuar an tamtuk caah ralhrang motor emergency pathum in hliamtuar pawl an hun lak hna tiah theih a s.

Cun June 14 zingka ah khan KNLA hruainak in mipi ralkap he an i fonh i ralhrang uico cu pehzulh in an kap rih hna tiah theih a si. Tutiang hi i kahnak a dai rih lo. Ralhrang lei nih pehzulh in ralkap thazaang an chap caah i kah peng dawh dirhmun an phanh.

Cun ralhrang uico pawl nihcun hriam ngan in kahpiak an bawmh hna caah i kahnak pawngkam khuate hrawngah hriamngan a thlak caah a puak len. Khua mi hliamtuar an um le um lo theih khawh a si rih lo. Cun tuzing ah khan Kyauthtu peng Meyungkhyi khuate kam ah ral lam a hun ser mi ralhrang uico pawl cu KNLa/PdF nih an kah hna caah ralhrang a thimi zat fiang in theih khawh an si rih lo. Mipi ralkap KNLa le PDF tu cu an him tiah theih a si.

June thlahram thawk in khan KnU tat-maha hmun 1 ralhrang nih an thazaang an chap chin leng mang caah KNU le PdF fonh he i kahnak a fak ngaingai. Cun June 5 i kahnak ah ralhrang uico 10 an thi i minung 15 tluk nih hliamhma an pu tiah KNU central nih cathanh an rak chuah. Source-People Spring

Be the first to comment

Leave a Reply

Your email address will not be published.


*