KNLA le PDF nih ralhrang ceilak an thah hna, Hriamnam an chuh mi hna a tam bak ko

Laykaykaw kahnak ah a zaam mi ralhrang uico pawl hriamnam pawl cu KNLA le PDF nih ceilak an lakpiak hna.Kayin ramkulh Myawaddy peng Laykaykaw i KNLA le PDF hna cu ralhrang pawl nih an kal hnawh hna i an kah hna nain anmah ralhrang lei tu ceilak an thih caah hnu an i thawn than tiah theih a si.

Ralhrang uico pawl a zaam mi hna an hriamnam thilril pawl cu KNLA le PDF nih ceilak kan lakpiak than hna tiah corbarra ral humhimnak latu nih thawng an thanh.

Corbara ral humhimnak tuanvo laknak hmun Laykaykaw tlangcung cu ralhrang uico pawl nih an chuh timh hna ruangah nizan zan suimilam 11 pm in kah hram an thawk i tuzing 3am tiang faktuk in an i kap hna. Nain ralhrang uico pawl ceilak an thih caah anmah tu hmaifawng ngam ti lo in hnulei ah an kir than hna tiah theih a si.

Cuticun KNLA le PDF nih ralhrang pawl an nehhang an hnu in an hun zulh thanhna tik ah ralhrang nih an zaamtak mi hriamnam tampi cu zingka ah kan lak piak hna. Zanlei ah voikhat ralhrang an nehhsng sn hun thianh than hna tik ah ah ralhrang hriamnam ngam tampi an zaamtak mi cu KNLA le PDF nihcun an lakthannsk kong cu anmah nih an chim.

Zanlei i an lakthan mi ralhrang hriamnam ngan pawl cu 60 MM kuan 18 81 MM pakhat , RPG 4 puhyan bawm 3, 5.56?kuan 300 le 7.62 sniper pakhat le MA kuanbawm 9 bakte kan lak khawh than tiah KNLA le PDF nihcun thanhnak an tuah. Khithtitmedia

Be the first to comment

Leave a Reply

Your email address will not be published.


*