KNLA Nih SAC Hriamnam Tamtuk Nihin Ah An Va Lak Than

Kayin ramkulh Myawaddy thlanglei Kasawwalay sakhan kam ah ralhrang uico le KNLA ikahnak a chuak than i ralhrang uico hriamnam tampi cu KNLA nih kan chuh than khawh hna tiah cathanh an chuah.

July 13 chunhnu ah khan SAC ralhrang uico pawl ral lam ser in an hun rat lio ah KNLA le tangti phu hna nih an kah hna.Cun july 14 nihin zingka ah nizan i kahnak hmunhma ahcun zohfelnak an va tuah tik ah ralhrang hriamnam tampi 60 mahmah paw kuan le RPG kuan pawl tampi an rak zaamtak mi kan lak khawh tiah an chim.

I kahnak ah hin ralhrang lei uico rank sang pakhat a thi tiah Kayin thawngzamh ca pakhat nih an tial. Kayin ramkulh Myawady thlanglei a rak lonhtu ralhrang pawl cu KNLA nih an kah peng hna bantuk in in Kokaret khuapi thlanglei zongah ralhrang pawl cu KNLA pawl nih an kah peng hna.

July 12 ah khan Myawaddy thlanglei Myawaddy-Walay lampi cung ah ralhrang uico pawl cu Cobra sitkyaung nih sn rak kah hna caah tat-yinhmu telh in ralhrang uico tampi an thi hna i hriamnam tamtuk an lak piak khawh cang hna. Ref-DVB

Be the first to comment

Leave a Reply

Your email address will not be published.


*