KNLA nih September 15 Tiang SAC ralhrang an kah thah mi hna cazin an chuah

KNU tatmaha 5 hmunhma chung ah ni 15 chung i kahnak ah SAC ralhrang uico pawl ralbawi telh in minung 50 nak tam an thi cang tiah theih a si.

KNU tatmaha 5 hmunhma Pharpun pengkomh chungah September 1 in ni 15 tiang SAC ralhrang kahnak ah ralhtang lei ralbawi pawl telh in minung 50 nak tam thi tiah thawngtheih a si.

Ni 15 chungah SAC ralhrang kuttang BGF le KNLA karlak i kahnak voi 68 a chuak i ralhrang le tatkhuaihmu 2, Bo rank a phan cang mi pakhat tel in minung 50 renglo an thi cang. Hi chungah tatyinhmu pakhat,e a dang SAC ralhrang uico 31 nak tam nih fakpi in hliamhma an tuar tiah theih a si. Mipi ralkap KNLA lei in pasaltha pakhat nih nunnak a pek i a dang minung 11 nih hliamhma an tuar ve tiah KNU nih cathanh an chuah.

Culawng si lo in SAC ralhrang le a kuttang nih minung covo tamtuk lengluang an buar cang i ralhrang nih Civil mi an umnak khua le hmunhma chungah hriamnam ngan voi tamtuk an kah tiah cathanh ah an langhter.

Be the first to comment

Leave a Reply

Your email address will not be published.


*