KNLA nih Tla Lak an kah deng ko hih

Kyautkyi ah SAC ralhrnag nih raltuk vanlawng in a kah hna i mipi vengtu phu nih an kah chih ve caah raltuk vanlawng a rawkral caah khulrang in an tum ter tiah KNU nih cathanh chuah.

KNU tatmaha 3 Ngaunglaypun pengkomh Kyautkyi peng chung ah SAC ralhrang nih vanlawng in a kah hna.Vanlawng cu an kah ve tik ah seh thilril pakhatkhat a rawkral mi a um lai khulrang in an tumter tiah KNU nih cathanh an chuah.

Nihin August 8 zingka ah Kyautkyi peng chung Petaung khuate sianginn pawngkam hrawnghrang ah raltuk vanlawng in voi5 tluk a kah hna hna nain mipi ralkap lei an him. Vanlawng hi pahnih a si. Pakhat cu KNU/KNLA battaluon 9 nih an kah tik ah an khen i khulrang in Ka Ngin khuate sianginn kulh chungah an tum ter tiah theih a si.

Tuzing SAC ralhrang nih vanlawng in an rak kah hna hlan nizan ah KNLA le SAC ralhrang cu fakngai in an i kap nain ralhrnag lei a thimi zat fiangin theih a si rih lo. Nain KNLA battalion 9 lei in hliamtuar an um lo tiah KNU nih an langhter. Ref- Khitthit

Be the first to comment

Leave a Reply

Your email address will not be published.


*