KNLA+ PDF+ KNDO nih nihin zanlei ah Ralhrang sakhan an lak tak cang

Breaking News- KNU nih ralhrang sakhan kan ting cang tiah cathanh an chuah cang. Ralhrang nih ralruk Jet vanlawng hmang in a kah len hna nain ohkaritsakhan cu KNU nih an lak khawh. Sakhan lak nak ah ralhrang 50 leng an thi lai tiah zumh asi.

Myawaddy peng Wailay hmun hma chung i a um mi Okarit ralhrang sakhan cu nihin zanlei sang ah kan lak khawh cang tiah KNU nih cathanh an chuah. Sakhan cu kan lak cang ko. Mei in khangh dih a si cang nain hmunhma thianhhlimhnak rian cu kan dih rih lo tiah an langhter.

KNU tat-hmu pakhat a sini Bisalung zong nih sakhan cu kan lak khawh cang. Mei in kan khangh dih cang. Hmunhma thianhhlimnak kan tuah dih rih lo. Kanmah lei zong kan i hliam ve. Anmah lei zong hi fiang in kan thei kho rih lo. Sawmnga leng cu an thi lai . Hmunhma thianhhlimhnak a dih rih lo caah tiah a chim.

Mah sakhan cu June 26 in KNDO, KNLA le PDF i fonh in an rak kah. Pehzulh in nithum chung an kah hnu nihin June 28 zanlei ah Ohkarit sakhan cu an lak khawh mi asi. KNU bahu riantuantu pakhat nihcun sakhan snnlak cang timi cu kan theih nain fiang in kan fehter kho rih lo tiah a chim ve.

Mah Ikarit sakhan kahnak ah hin ralhrang nih jet vanlawng in voi 9 bakte a kah hna nain KNLA, KNDO le PDf nih hnu kir lo in an nam chih caah nihin zanlei ah annlak khawh. Mipi ralkap lei in a thi hliammi an um ve nai ralhrang uico lei cu a tlawmbik 50 leng cu an thi lai . KNU tat-maha 6 hmunhma chungah a ummi ralhrang sakhan hi KNLAe tangti phu hna nih sakhan paruknak tam an lak khawh cang.Source-People Spring

Be the first to comment

Leave a Reply

Your email address will not be published.


*