KNU An Kuai Timi Min Awng Hlaing Nih A Theih A Nuamtuk Nak Ah A Lam Cang

Karen ramkulh Myawaddy pengkomh Woilay hmunhma chung ah nizan in khan Bohmuchoh Sawnay Damyiiah nih KAW THOO LEI ARMY a dirh timi thawngpang a chuak. A dirh zong a dirh taktak ve. Bohmuchoh Sawnay Damyiiah nih KAW THOO LEI ARMY a dirh timi a chuak bak in KNU nih kan chuah tiah cathanh an chuah colh ve.

July 20 ah tuah mina wmergency meeting biachahnak in Bohmuchoh Sawnay cu kan chuah mi a si cang i a thiltuah mi cungah kanmah he pehtlaihnak ka ngei ti lo tiah cathanh ah an langhter.

Cun KNU nih Sawnay Damyiah cu KNDO comender in chief eian kan khinh tik ah KnU i hruaitu pakhat sinak in a rian a tlolrh i KNU phungphai a buar mi a tamtuk lengluang tiah an langhter chap.

Hi thawngpang cu Min Aung Hlaing nih a theih tik ah alungvaa lawm tuk hringhran cang lai tiah zumh a si. A tulio ram buai lio ah angcung hriamtlai phu an thenthek ding hi Min Aung Hlaing nih a bawh bik mi hna an si. A ruang cu tlangcung hriamtlai chungah lungtualnak a um a si ahcun ka tei kho hna lai lo timi a theihcia chung cang. A tuhi Min Aung Hlaing cu a lam cang ko lai tiah Kawlram ramkhel ngiathlaitu Saw la wathi nih a chim.

A rauh hlan ah Min Aung Hlaing nih Karen hriamtlai phu hi fak nawn in a rak phomh colh hna la tiah zumh a si. A tu bantuk in thawngpang a theih cang tik ah anmah le mah an i rem ti lo caah bukhat ka phomh hna lai i an cil ka hminh hna lai timi hi a bawh peng mi a si caah Bohmuchoh Sawnay nih a dirh mi maw a phomh hmasa lai Tulio Knu timi cu a rauh hlan ah a lang ko lai tiah an zumh ngai cang.

Tulio Min Aung Hlaing doh lio ah hin cun zeikhom a si poah ah lungsau deuh cio a herh mi a si nain tu bantuk an i thenthek mi nih hin Min Aung Hlaing ral hi a kan sunghter sual lai timi phinphan dai lo kan si cang ko e.

Be the first to comment

Leave a Reply

Your email address will not be published.


*