KNU Hmunhma Chungah SAC ralhrang He Kahnak Thawng An Thanh

KNU tlaihnak hmunhma July thla chungah kahdohnak voi 259 a chuak

KNU hmunhma chung 2022 July thla chungah KNLA, KNDO le SAC ralkap, BGF karlak ah kahdohnak voi 259 a chuak tiah KNU nih a thanh.

July thla chung kahdohnak ah SAC ralkap le BGF 386 an thi i 280 an i hliam. KNLA le KNDO hriamtlai lei in 12 an nunnak a liam i 26 an i hliam tiah a thanh.

SAC ralkap hriamngan le bomrap ruangah mipi 19 an thi i 26 hma an pu. SAC ralkap nih mipi inn 44 le biakinn 1 a hrawh tiah KNU cathanh ah aa tel.

Cu lengah, khuami 49 tlaih an tong i KNU battalion 1 hmunhma chungah mipi 94,768 le battalion 3 chungah mipi 61,898 himnak hmun ah an zaam tiah a langhter.

UN OCHA nih August 3 ah cathanh a chuah ning ahcun rampi uknak chuh a si hlan buainak ruangah mipi 346,000 an rak zaam i uknak chuh a si hnuah mipi 866,000 an zaam chap caah July 25 tiang innlo a zaamtakmi 1.2 million an lonh cang tiah a thanh.Credit- Thechinlandpost

Be the first to comment

Leave a Reply

Your email address will not be published.


*