KNU Le Ralhrang IKahnak Ah Ralhrang lei minung 40 renglo an thi

Kayin ramkulh, Myahwaddy chaklei Laykaykaw khuathar ah April ni 10 ah ralhrang lei Kayin hriamtlai phu i kahnak ah ralhrang lei nih raltuk vanlawng in bomb a thlak hna i anmah lei tu a thlak sual hna caah ralhrang uico minung 40 renglo an thi tiah KNU lei kap nih an chim.

Apri ni 9 ah ralhrang lei nih raltuk vanlawng pahnih MiG29 pahnih in raltuknak hmun ahcun bomb voi tamtuk a thlak hna nain anmah uico lei tu a thlak sual peng hna caah ralhrang lei minung 40 renglo an thih lawng si lo in minung tamtuk nih hliamhma an pu tiah theih a si.Ralhrang uico lei minung 40 renglo an thi timi hi a dik bakmi thawngpang a si ko tiah KNU chungtel Pado TharmingHtun nih a chim.

Hi raltuk vanlawng in bomb thlaksual mi ruangah ralhrang uico minung tamtuk an thih caah Tat-yin-hmu cu a mah tein ai kapthat tiah thawngpang a leng nain fehter nak an tuah kho rih lo. Vanlawng in bomb thlak ruangah mipi innlo le sianginn cheukhat hna a rawkral mi an um len tiah theih a si fawn.

Ralhrang uico tat-mah 44 tang le KNLA zong nizan ah an i kap i ralhrang lei minung pali an thih lawng si lo in Bukyi Thin Lyin Khaing telhchih in MA 3 panga MA2 pakhat MA sniper pakhat RPG.7 MA kuan bawm pakua zong an lakpiak khawh hna tiah KNU nih lei thawng an thanh. Hi i kahnak ah KNU lei in minung pahnih an nunnak a liam ve i pali nih hliamhma an pu tiah theih a si ve.

Ralhrang lei mipi ralkap lei i kahtuk nak ah Laykaykaw hmunhma chung khuate 10 minung 5000 renglo nih khua an chuahtak i Thai-Myanmar ramri ah ralzaam in hmumhma an khuar hna.DVD

Be the first to comment

Leave a Reply

Your email address will not be published.


*