KNU Nih Kum 2022 Thla 6 Chung Ralhrang He i kahnak ah Ralhrang Lei an kah thah mi hna Cazin Nihin ah an thanh

KNU Kawthulay humhaknak hmun hma chung i kum 2022 thla 6 i kahdohnak kong cu KNU nih nihin July 6 ah cathanh an chuah.

KNU kawthulay humhaknak hmunhma chung ah KNLA, KNDO le ralhrang + BGF he ni fatinte ngawt in i kahnak a chuak peng ti khawh asi.

KNU Kawthulay humhaknak hmun ah kum 2022 thla 6 chung i kahnak ah hin a hme mi i kahnak le a ngan mi kahnak fonh in a zate voi 2686 a chuak tiah theih a si. Hi biate i kahnak ah ralhrang uico le a kuttsng BgF hna chung in minung 2208 an thi i 1545 nih fakngai in hliamhma an tuar tiah KNU headquater nih nihin ah cathanh an chuah.

Cun KNLA, KNDO pasaltha hna chung in minung 85 nih ram le miphun caah nunnak an pek in175 nih fKpi in hliamhma an pu ve tiah an langhter. Cun ralhrang uico pawl nih raltuk vanlawng in kahnak le hramhram in khuami hna umnak ah hriamnam kahnak ruangah le hramhram in thah le tlaih ruangah a thimi mi sawhsaw 72 an um i 155 nih hliamhma an pu ve tiah an thanh. Source-KNU

Be the first to comment

Leave a Reply

Your email address will not be published.


*