KNU Nih May Thla Chung Ralhrang Uico An Thah Mi Zat An Phuan

May thla chungah ralhrang uico le KNu i kahnak voi 40 a chuak i kap hnih a thi mi le hliamtuar mi zat KNU nih cathanh an chuah.
Chokhleipar

Kayin hriamtlai phu KNU i tat-maha 1nih an uknak hmunhma chung Duthahtu pengkomh chung ah a May thla chung ah ralhrang uico le BDF fonh le KN karlak i kahdohnak voi 41 a chuak tiah KNU nih nihin May 2 ah cathanh an chuah.

May thlakhat chung lawngah i kahdohnak voi 41 chungah ralhrang uico pawl 71 an thi i 53 nih nih fakpi in hliamhma an pu tiah KNU nih thawng an thanh. Cun KNLA/KNDO lei in minung 11 nih hliamhma an pu i pa2 nih ram le miphun caah an nunnak an pek ve tih an thanh.

Cun mah zat i kahdohnak chung ahcun ralhrang uico pawl nih raltuk vanlawng hmang in a kah hna caah mipi inn 11 le Raba dum 13 ekah mei nih a kang i mi sawhsaw 24 an tlaih hna i phaisa le a dangdang hramhram in an lak tiah KNU cathanh ahcun an telh chih.

Culawng si lo in May thla chung i kahnak ahcun ralhrang lei nih hriam ngan in an kah peng caah mi sawhsaw minung pahnih an nunnak a liam i pa thum nih hliamhma an tuar tiah KNU nihcun an langhter chap. Ralhrang lei nihcun May thla chung i kahdohnak ah a thimi le hliamtuar kongah thawngthanh nak pakhat hmanh an tuah rih lo. Ref-BBC

Be the first to comment

Leave a Reply

Your email address will not be published.


*