KNU Nih Ralhrang Sakhan An Lak, NUG Nih A Lawmh

Ralhrang nih kum 30 leng a uk cangmi Tehbawbo sakhan an lak than khawh mi cungah NUG Ministry of Defense nih a lawmhpi hna.
Chokhleipar

KNU tatmaha 6 hmunhma chungah KNU nih thlanga chungah ralhrang uico sakhan pathum an lak khawh.

Ralhrang uico nih kum 30 leng an an uk khawh cang mi Kayin ramkulh Myawaddy peng Tehbawbo ralhrang uico sakhan cu KNU le a tangti hawi hna sin ah NUG Ministry of Defense nih lawmhpi nak ca a kuat hna.

Ralhrang nih mipi uknak chuh mi ah biatak tein mipi vengtuble ralhrang a phomhtu KNU၊ KNLA၊ KNDO၊ PDF le a dang tangti phu hna sin ah NUG Ministry of Defense nih a tu bantuk in lawmhpinak ca a kuat hna hi a si.

KNU tat-maha 6 a umnak hmunhma Dupala pengkomh nitlakleo hmun ah KNU၊ KNLA၊ KNDO၊ PDF le a dang hriamtlai phu hna i fonh in kum 2021 December 15 thawk in Laykaykaw i kahnak in an thawk i tu ahcun ralhrang uico sakhan pathum an lak lawng si lo in ralhrang hriamnam tampi an chuh khawh cang hna.

May 18 ah khan ralhrang nih kum 30 leng an um hnawh cang mi Tahbawbu sakhan cun KNU le a hawilei tangrual phu nih an kah ciaman hna i an sakhan an lakpiak khawh hna leng ah ralhrang meithal 15, Kuan phuntlung 7000 leng an chuh khawh hna tiah theih a si. Hi ralhrang sakhan laknak ah ralhrang uico tat-yinhmu telh in pa5 nak tam an thih lengah an nung in minung 7 leng an tlaih khawh fawn hna. Ralhrang uico phu nih vanlawng in hehchet tiah a kah piak chih len hna nain KNU le a hawi lephu nih an namnak cu an tuar khawh ti lo caah sakhan cu an zaam tak diam theih a si. Ref- People’s Spring

Be the first to comment

Leave a Reply

Your email address will not be published.


*