Lai Media Pawl Le Micheu khat nih CNDF-Falam Cu CJDC In An chuak an ti mi cu kan i palh cikcek – Thawngpang Dik Thanh Hna Usih


Kan Lai media tampi le mi cheu khat nih social media ah an langhter le an tial cio mi cu CNDF Falam cu CJDC in an chuak, an i lungrual lo tiah nan soisel len mi hna cu nan i palh kan i palh cikcek timi theih a si. A ruang cu mah ti hin a si.

CNDF-falam lei nih an fian ter ning ah cun CJDC ah CNDF nih chuah kan i tim lo. CJDC cu a biapi tuk mi a si caah i tel kan i tim ko tiah an chim. A luan cia caan ah CNDF nih statement pakhat an rak chuah i, cu ahcun an chimmi cu

kannih cu CJDC in kan i din rih lai timi a rak i tel a si nain. Mi tampi nih ai din thai mi ah an ruah hna a si nain. Anmah CNDF FALAM Biachim tu Salai Timmy Htut nih a chimmi cu

Aho nih dah a chuak an kan ti. CNO/CNDF hi CJDC in kan chuak  bal lo. Naite ah nan hmuh mi statement kha cu CJDC ah zung tthu ding in kan thlah mi Palai pawl kha temporary in kan thlah ti lo. timi lawng a si tiah a chim. Cucaah

acung lei ah fiang tatak in an chuak lo nak an chim cang ko i, kan Lai Media pawl nih CNDF cu CJDC in an chuak ti bantuk kha cu tial hrimhrim ti hlah u, comment zong ah a thei lo mi nih tial ti hlah uh tiah mi pakhat nih a chim.

Kalaymyo Khuachung Ah Hriamngan A Tlak Caah Nu Pakhat Hliam Tuar Kalaymyo, Myohla sang ah December 5, zaanlei suimilam 3:00 hrawng ah hriamngan a tlak caah kum 43 nu pakhat a ke aa hliam tiah theih a si.

Khoika hmun in an thlahmi a si zong tualchung mi nih an theilo. Myohla sang nitlak lei Ṭaungphila tlang zawn ah

SAC ralkap nih umhmun an khuar i, cu ka hmunhma in cun Myohla, Indaikone, Sakant(စက္ကန့်) khuachung ah hriamngan an kah tawn tiah theih a si.

Chin ramkulh, khuapi Hakha Rungtlang ah hram a bunhmi SAC ralkap pathum cu, meithal he Chinland Defense Force Senthang sinah CDM an tuah, tiah theih a si.

A luancia November 11 ah SAC ralkap Battalion 266 in ralkap pathum cu, MA 1 meithal zun 1 le kuan tam ngai he CDF-Senthang sinah CDM an rak tuah, tiah CDF-Senthang nih nihin December 6 ah cathanh an chuah.

SAC ralkap pathum cu lunglawm tein kan don hna i lawmman tangka zong kan pek dih hna hnuah an pathum in a himnak hmun ah kan chiah cang hna, tiah an langhter.

CDF -Senthang nih cathanh he an langhtermi hmanthlak ah MA 1 meithal zun 1, meithal kuan 300 leng, kutcheh bomb lung 3 le kuanbawm 3 zong an langhter chih.

A luancia October 8 lio zong ah palik Ni Mang cu BA63 G3 meithal zun 2 le kuan tam ngai he CDF -Senthang sinah a rak zam i lawmman tangka kyats sing 100 an rak pek cang.

 



Source link

Add a Comment

Your email address will not be published. Required fields are marked *