LAIMI KA SI CAAH USA KA PHAN” by Rev. Hrangzuala Cinzah

“LAIMI KA SI CAAH USA KA PHAN”
by Rev. Hrangzuala Cinzah, GS of LIKBK, Lawngtlai in July 2012.

A liam cia kum 10 ah a si. Bia roling phun cu philh a har deuh. A ni le caan le hmunhma nih thinlung ah an chim than tawn.

Avoi 4nak CBCUSA Civui pi cu July 6-8, 2012 ah tuah a si. Chin Evangelical Baptist Church, Indy nih an kan donpiak. July 5, 2012 zan cu BM upa hna cu anmah khrihfabu le khua cio in an phan hna. BM meeting ah a hmasabik cantling CBCUSA General Secretary cu thim ding kan si. Khual kan sawmmi hna zong an phan cio hna. Lairam i tuah tawnmi civui ngaih he cun aa phua fawn. Mi thinlung a cawlcang ngai.

Lawngtlai in Lairam Jesus Christ Baptist Church GS Rev. Hrangzuala Chinzah, Baptist Church of Mizoram GS Rev. Lian Ngaia, West Lairam ah kan pabik Rev. Sang Cem, le bochan mi Pu Ziak Tluanga Lithing hna cu hi civui zawh ding in Washington Dulles Interantional Airport ah zan mui caan ah an rak phan hna. Thanuam tuk in kan don ve hna. Airport in kan chuah i parking hmun electric meiceu tangah Rev. Hrangzuala nih “Laimi ka si caah USA ka phan” tiah Pathian sinah aa lawmhnak cu aw thang ngai i a au.

Paul nih a chim bantuk in “Zeitik hmanh ah a uai kho lo mi pangpar lukhimh hmuh awk caah tlik zuamnak” kan thok ti hna [1 Kor. 9:24-28]. Nihin tiang ngawl lo in kan tli thluahmah ko hna. Pathian nih a kan bawmh lai i ni khat khat ah kan laksawng cu kan hmuh ti te hna lai.

A uai kho lo mi pangpar lukhimh hmu ding in tlik kan i zuam lio ah a uai kho mi pangpar hi kan tawh pah lengmang thiam ko hna. Pathian thatnak lawng te an si dih. Sunparnak cu Amah ta si ko seh! Amen.Credit-Rev.Dr C Duh Kham

Be the first to comment

Leave a Reply

Your email address will not be published.


*