Lainu Hlasakthiam Minthang Honey Khuatizuu Nih Laimi Social Media Ah Pakhat le Pakhat Comments Kan I pekmi cung ah mahti bak hin a chim cang


“Be the reason someone smiles today”, an ti kha…Mi nih ka chimmi bia hin keimah rak ti ve hna sehlaw “ka thinhung hnga maw, ka lung a fak hnga maw, ka ngaih a chia hnga maw, Kaa Lawm ko lai maw?”ti ruah hmasa loin bia fakfak le nek ngeih in bia kan chim/chawn tawn.

Social media ii pakhat le pakhat Comments kan ii pek zongah bia dawh/ṭha deuh hman va ngah hlah sehlaw cu bang rel a nuam lomi bia kan hman ṭheu tawn. A reltu hi ka comments a hmuh ah cun aa lawm tuk sual lai ti a phangmi ko khi kan lo tawn.

Thil na duh lomi le na lungtlin lomi khi na duh lonak le na lungtlin lonak na langhter tikah na na chim dan, na hmanmi cafang le na langhter dan nih khin thil tampi le minung tampi a thlen khawh.

Na bia kaa khat te ruangah hin mi pakhat a nikhat te hi ii dawh in sullam ngei deuh sehlaw cucu a ṭha deuh tuk lo maw?

Hi ca ka tial lio ah hin, u Bil (Bil Sung) nih a sakmi “Na bia kakhat hmanh kei ca’h sung tuk e, tluang tlawn zawn ii kan ngai na ti tawn kha…, Dawtnak na langhter, lam hruaitu na si ca’h ka lung aa lawm” timi kha ka lung a hun chuak. Mah vial, Khuaitizuu

CDF-Hakha Nih Timit-Lungkhar Joint Operatoin Kong Thawngthanh An Tuah!

Chin ramkulh Hakha le Thantlang karlak, Timit-Lungkhar ah Chin miphun ralkap (CNA, CDF-Hakha, CDF-Thantlang, CDF-Zophei, CDF-Lautu, CDF-Mara le CJDC Special Force) le Kawl ralhrang i kahdohnak cu 2022 July 30 in ai thawk i nihin tiang pehzulh in kahdohnak ngeih peng a si.

Hi kahdohnak hi khuapau dothlennak lak ah kahdohnak sau bik a si ko nain Pathian thawng le khuaza ramkip um Chin miphun tanpinak thawng in nihin tiang Miphun ralkap nih hmainawr cuahmah a si. Timit-Lungkhar kahdohnak ah ralhrang 140 tluk thah an si cang i tampi hliamh an si.

Miphun ralkap in pasal tha 6 nih nunnak an pek i kan ralkap tampi nih hliamhma an tuar cang.

Hi kahdohnak hi Hakha peng, Thantlang peng ca vial lawng si lo in Chin miphun dihlak le Chin ram dothlennak ca ah a biapi tuk mi kahdohnak a si bantuk in Chin miphun dihlak nih donglo in thazaang nan chuah chin rih naklai zong kan in sawm hna.

“Timit-Lungkhar kahdohnak ah ngeihchiah chawva in siseh thilri in siseh tel a duh mi nih kan zapi phu aiawh in hi a tanglei pehtlaihnak ah hin nan rak kan pehtlaih cionak lai kan in nawl hna tiah” thawngthanhnak an tuah. Pehtlaihnak; Salai Khua Hngak +95 9795281551, Mai Nute +95 9259582217

Mindat Ah ‘Helicopter’ Voi(2) A Zuang! Chin ramkulh Mindat pengchung cu, December 4.2022 ni hin ah ‘Helicopter’ voi(2) a rak zuang tiah theih a si.

“Chun suimilam 1:12pm tluk ah Mindat tlangthluan zul in ‘Helicopter’ pakhat a zung i, suimilam 2:55pm tluk ah a voi(2)nak a rakzung tthan” tiah theih a si.

Hakha- Thantlang kar Tița a ummi Kan Chin ralkap hna Christmas tuahnak ding caah Japan ummi Pu Kio Cin Thang nih ting 15 mmk a hlut hna. Cun,Thantlang peng Ralpel khuami Rev. Rual Cung nih Tița ummi kan ralkap hna cu mehhang cawknak caah tiin ting 6 mmk a hlut țhan hna.

Pechantu nan dihlak cung ah kan Chin ralkap hna nih The Chin Post in lunglawmhnak an langhter. . Kan biak cung Pathian nih thlua in chuah chin ko hnaseh.

 



Source link

Add a Comment

Your email address will not be published. Required fields are marked *