Laitlang Khuate Pakhat Ah SAC Ralhrang Nih Hriamngan an thlah caah Kum 60 Tarpa pakhat tel in minung 4 an i – Thawngpang Dik Thanh Hna Usih


Kanpetlet Peng Ah SAC Ralkap Nih Hriam An Thlah Caah Kum 60 Tluk Upa 4 Hliam Fak An Tuar. Magway ramțhen in Chin ramkulh lei ah rallam a sialtu SAC ralkap hna nih Kanpetlet peng tualchung mi hna cu tlaih ding in an dumdawi hna caah tualchung mi 4 hliamhma an tuar tiah theih a si.

December 10 ah Kanpetlet peng ralhrial mi hna an umnak khua ah SAC ralkap nih tualchung mi hna cu an kah hna, minung 4 hliamhma an tuar tiah CDF-Kanpetlet Victoria battalion ṭat-yin-hmu nih The Mindat Post ah a chim.

” Hriamngan an thlahmi zong a si lo, khuachung ah an lut i ralhrial mipi an hmuhmi hna cu an kah hna, pa 3 le nu 1 hliam an tuar, an hliamhma a fah caah thinphang an si ko, hliamhma tuarmi hna hi kum 55 in kum 70 kar tualchung mi an si” tiah a chim.

Ralhrial mipi hna nih SAC ralkap he naihniam in umlo ding in le ralring tein ṭhutdir ding ah ralrin ngai a herh tiah Victoria ṭat-yin-hmu nih ralrinpek nak a chim.SAC ralkap cu an kal cang na in, Kanpetlet tualchung mipi hna nih Kanpetlet – Saw lampi hmanlo ding in Kanpetlet peng pah-ah-phah nih December 11, zaanlei ah cathanh an chuah.

SAC ralkap nih Kanpetlet peng lei hmuitinh in Yaw lei in rallam an sial caah tualchung mipi tampi cu a himnak hmun ah ral an hrial tiah Kanpetlet peng zatlang hruaitu phu nih an social media ah December 11 zinglei ah an langhter.

Dr. Rual Uk Nih UPC Pastor Sui Mawng Cu mahtihin a zuamcawh than. AIZAWL TAL AH HMAITONH IN I TONG KHO U SIH LAW. Trinity le Oneness kong ah Baibal debate a ka zuamcawhtu Saya Sui Mawng he  Kuala Lumpur ah kan i tong rua lai tiah ka ruah nain a ra lo.A ra laimi 2023 January thla tal ah cun Aizawl ah hmaitonh in i tong kho u sih law ka duh ngai.

Kan i ton khawh ah cun:-Zan hnih chung Lai holh in kan chimți lai i Zan hnih dang cu Mizo holh in chimți si te seh tiah Dr. Rual Uk Nihcun ca a tial.

 



Source link

Add a Comment

Your email address will not be published. Required fields are marked *