Laitlang Lawng Hmanh Silo In US Ram Zongah AR Zuat In Rum Na Duh Ahcun A Zuat Ningcang Hi Rel Ve

Ar Kong Theihtlei
Ar (Indigenous Chicken) cu ramlak a vakvai mi saram in innzuat sattil zuat mi saram ah an rak hman hi AD phak hlan kum 1500 te in Taluk ram ah an rak zuat cang tisi .Ar saram phun hi India , Sri Lanka le Southeast Asia pawl ah an rak hmuh hmasa ti a si. A hnu ah fimthiam nak a sang cang mi ram pawl nih research tuah in ar phun an sanh ii Layer( ဉစားကြက်) , Broiler ( အသားစားကြက်) tbk a rak chuak.2007-2008kum cazin ah Kawlram um ar 107.4 billion um i 91.87 billion( 85.74%) cu *lai ar ( Indigenuous chickens) a si . Kawlram um minung 70 % hi khuate lei um mi an si ii 85.74% lai Ar cu khuate pawl zuat mi deuh an si .Khuate lei an zuat mi tamdeuh cu zan an riahnak inn an sernpiak nak ah an riak i chun ah an thlah tawn . Inn khat ah tlawmpal cio lawng an zuat cio tik ah mah ei khim tluk , arti tlawmpal zuar khawh le a caan ah ar tlawmpal a pum in zuar tluk lawng a chuah pi . Cuhlei ah an herh mi rawl tling ten pek khawh lo , zuatdan tthat lo , zawtnak le a dang dang ral in kilven khawh lo ruang ah a karh khawh zat in a karh lo .

Ar (Indigenous Chicken)phun zeizat dah a um ?

Vawlei cung ah a mah le hmun cio in a phun tam pi a um. Ar phun an tthen tik ah ar a chuang le khador , a hmul le ar a pum zoh in an tthen .
Kawlram ah hmuhkhawh mi ar pawl cu Teik cet( တိုက်ကြက်) , Hngawngkong ( လည်ပြောင်ကြက်) , Sit Ta Kaung ( စစ်တကောင်းကြက် ) , Ar Tau or Cet Teing Ngin( ကြက်တိန်ညင်) , In Pin Wa ( အင်ပင်ဝ) , Shwe Ta sawk ( ရွှေတစ်ဆုပ်) , Long Tii ( လုံးတီး ) le Tawng Pian ( တောင်ပျံကြက်) pawl an si.

Ar rawl – Lai ar zuat tik an tthan tthatnak ding ,an ti tit tthatnak le an sa a khah ding ah ar an pum nih a herh mi rawl(nutrition) tling ten pek a hau. Mi tam kan ruahnak cun zingrawl pek hnu kan thlah ii an mah ten rawl an I kawl tik ah an herh mi rawl(nutrition) a bau theng lai lo tiah kan ruah . Asinan kan pawngkam ah an herhzat hmuh kho ding rawl(nutrition) a um lo. An pum nih a herh mi rawl(nutrition) simi Protein,Mineral,Vitaminle pawl le tithiang pek khawh lawng ah an ngandam nak, a ci karh nak le an kum zat in an tthang kho lai.

Ar Inn – Ar inn sak piak tik ah ar pawl zalawng tein an um khawh nak , ceunak ttha ten hmuh khawh nak , thli lut-chuak tthat nak , a ro (dry) , inn thianhlimh fawi ding le an riahnak aa rem ding sak piak a herh .Cun , ti an tit nak , an tlumh nak le ar pifa rual chiah nak tiang ttha ten ser piak a herh .

Arci kan karh ter tik ah – Ar khong pakhat ah arnu a tambik pahra tiang chiah tti khawh a si.Asikhawh cun Arkhong pakhat ah arnu pariat chiah piak hi a ttha bik cu a si . Cu arkhong le ar nu chiah tti cu a tam bik kum hnih tiang lawng chiah tti ah a ttha .Aruang cu inbreeding( a ci aa naih mi in hrinsor ter leng mang ) tik ah a hnu chuak mi ar ci an ttha ti lo.

Ar nu pakhat nih voikhat tlumh ah arti 15-20 tiang a tlumh tawn.Voikhat tlumh ah ni 21 a rau . Arfa keuh zat cu arpi nih a tlumh dan le ar a tlumh nak hmun in aa thlau kho .

Arfa zohkhenh– Arfa an thih lo ding ah arfa pawl cu an humhim nak, a lum nak le a thianghlim mi pawngkam ah chiah an herh.Cuhlei ah a pawpi nih a rial kho ding mi rawl pek a herh.

Ar zawtnak – Lai ar a man a fak nak a ruang bik cu kumfatin ar pul a tlun tik ah ar tampi an thi dih tawn.Cu tik ah lai ar a tang mi hi a tlawm ngai .Atlawm tik ah lai ar man cu a fak chin leng mang .Ar ah a cang tawn mi zawtnak a huap in kan zoh tik ah ; Virus ,
Bacteria ,
Parasite ,le
fungus ti mi pawl an si .An zawtnak a ruang cio zoh in I khamhcia nak (prevent )le damh nak(Treatment) tuah a herh .

Ar rawl(Nutrition) , Ar zawtnak Kong fiang deuh in ka rak ttial tthan te lai .

Fidi_Veterinary_supplies_and_service ah sattil ngandam nak lei le thlawp nak kong ah pehtlaih khawh peng kan si.Credit-Fidi_Veterinary_supplies_and_service

Be the first to comment

Leave a Reply

Your email address will not be published.


*