Skip to content
Home » Laitlang (The Chin Hills) ah leitang chuak mansung um hnga maw?

Laitlang (The Chin Hills) ah leitang chuak mansung um hnga maw?

Kannih chan Univ hna kan rak phanh hlan deuh ah cun, meiti zong a um lai, lungvar mansung tampi a chuak kho, tiah kan pale deuh chan biasiphai nih kan hna a rak kan ngamh ngai. Kan rak i-uang ziar.

Laitlang (The Chin Hills) ah leitang chuak mansung um hnga maw?

Dr. Vom Son nihcun Manipur tiva (Vaar hlei umnak hrawng) khin pee thong 3 thuk kan cawh i kan dawp kanh hna ahcun Kawlram chung i zinan (meiti) a chuah biknak an timi Nizan Chawng le Choh te pawl ta khi an reu viar lai, a rak ti.

Lai tuak i tuak ah cun a dik ngai. Yenan Chaung le Chauk tepawl meiti an idilnak hmun khi Minbu Basin tiah hlan chan tein Mirang nih an rak kawh.

“Minbu Basin is the southern continuation of Assam Basin” ti si. Assam cu India ram chung mu. Assam State tang ahkhin ukaang bantuk in aa dilmi meiti an um. Cucu an luang i thlanglei Minbu basin a va hrin ti khi Geologist pawl ruahning a si.

Assam State in Kawlram chung Minbu hrawnghrang tiang a van luan dingah cun, Chinram chung i a niam biknak Manipur Tiva hrawng khi lampi ah a va tan pah hnga.

Vawlei tang khin meiti cu a luang. Cu a luangmi cu cunglei in an rak dawp khanh hna lai ti kha Dr. Vum Son ruahnak cu a rak si.

A si kho maw si kho lo ti lam ah cun, a si kho lo. Nihin fimthiamnak nihcun a si kho a ti bak lai lo.

Kan u pa Albert Hlun nih Laitlang geological structure umtuning kong hi zei mekazin ah dik si, a rak thai bal. A biafang hmanmi tete an idawh i an mak ngai hna.

Kanpetlet Schist ah meiti cu a chuak kho men ko ti phun deuh in a rak thai in ka thei.

Native pawl nihhin kan Chinram ah an lung saduhthah he thil mansung tampi chuahter cu an duh.

Keimah tu nihcun ka zum lo. Ruultlaang i Chromium le Nickel an kawlmi zong kha zei ngai a hlawk an chuahpi lai ka zum lo. Nickel khi nuclear power chuahnak ah zaang ṭha tuk si kaw, cucu an rak kawl duh bikmi si lai.

Zeicahtiah cun, Lai tlang (the Chin Hills) cu Alluvium an timi leivawr vawlei phun deuh kan si. Alluvium ah mansung lungvar le meiti phunphai an chuak lo.

Cucu miphun dang kherhlai ning le keimah ka rak hmuhton cawnning in ka hei ruahdamh vemi si i kaa palh kho ko.

Meiti hmanh ah chuan hau lo diizel le peṭharawliam hna khi ruah lo tak in chuak tuah seh ca… khei khei khe. Salai C. Alexander


Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo