Lawmh a um ning cu- Nihin ah uico ralhrang tamtuk an thi

Htigyaing ah ralhrang bomb in an an kah hna caag a tlawmbik minung pa20 an thi. Cu ve bantuk in Myingyain ah mipi thilril a fir i an fir hnu ah a rak kir mi rlhrang phu cu bomb in an kah ve hna caah Bokhat telh in minung pa4 an thah khawh ve hna.
Chokhleipar | May2 | 2022

Sagaing ramthen Htigyang khuapi Innyua lam tonnak hmun ah ralhrang phu hna cu nihin May 2 ag mipi ralkap nih bomb an hmanh nak hmun an phak bak ah bomb cu an puak i ralhrang minung 20 nak tlawm an thah hna lengah a tlawmbik minung 20 hliamhma fakpi in an tuar rih tiah Special.9-HPDF nih cathanh an chuah.

Ralhrang pawl an kalnak lam cu Special.9-HPDF၊ FOX Army -HPDF၊ Kotaungkya le Yemwe phu fonh hna nih an kah mi hna a si i ralhrang phu hi tamtuk an thih lengah tamtuk nih hliamhma an tuar hi a si.

Athimi ralhrang phu hna an ruak cu char dingah Kohte khuate leng in Muka khu mi mizaw phorhnak motor he an rak hngak cia chung tiah Special.9-HPDF sin intheih a si.

Cuve bantuk in Magwe ramthen Myingyain peng Siimikhung ralrang polik sakhan ah a um mi bokhat pakhat le sakhahmu telh in an rak i citmi Honda Fit a nakmi cu April 28 ah mipi ralkap nih bomb in an kah ve caah Bokhat telh inralhrang uico pali kan thah khawh hna tiah
27 Revolution Force nih cathanh an chuah ve.

Mah ralhrang phu hna cu Zalatkung khuate i mipi thilril an fir hnu an rak kir lio ah 27 Revolution Force၊ Urban Underground Revolution Force (UURF) le Melat phu i gonh hna nih lampi in bomb in an kah hna hi a si.
Photo – Kyodo News

Be the first to comment

Leave a Reply

Your email address will not be published.


*