Skip to content
Home » Lohtlau-Mifa Naupa Ai Chuah Sual Bak Ko Cang Ee

Lohtlau-Mifa Naupa Ai Chuah Sual Bak Ko Cang Ee

Mi fa naupa ai chuak sual ko cang, lungretheih in thih a duh cang lai. Kai chuah sual cikcek a ti hrim ve lai.

Kawl ralhrang nih uknak a lak hnu ah a mah lei tang ding ah an sawmmi hna hi ai chir lomi an um lo tiah NUG upa pakhat nihcun a chim.

Min Aung Hlaing nih uknak a lak hnu ahhin ralkap chung a si lomi a leng lei mi kha tampi riantuan ding ah ai sawm hna. Kawlram cu ralhrang uknak tang ah saupi a um than ko lai i dai tein ralkap nih an kan uk than ko lai tiah an ruah i Min Aung Hlaing cu an zulh taktak.

A leng leimi Min Aung Hlaing a zultu an tampi. Kanmah Chin miphun chung hmanh ah tampi an um. Kawl zong tampi an um hna.

Min Aung Hlaing sinah cun rian cu an van lut taktak i zei ngai an tuah khawh mi a um lo. An dihlak ti awk in cazin tlai luklak ah an i chuah dih. Pu Ngun San Aung zong kha Chief Minister a si nain cazin tlai luklak rian an tuan ter ti a si ko.

Cu bantuk in Dr. Ngun Cung Lian zong hi upadi thiam sang a si caah Min Aung Hlaing nih ruahnak petu ah ai sawm. Sinain Min Aung Hlaing ruahnak pek cu chim loin cazin tlai ah ai chuah. A zei te hmanh khi Min Aung Hlaing sinah a thami ruahnak a pek khawh mi a um lo. Holhnak nawl hmanh a ngei lo.

Ralkap zam nih an chim peng. Chimnak nawl a um lo. Tuah timi poh tuah a si ko. Kan duh mi le kan herh mi chimnak nawl a um lo an ti peng. Ralkap bawi nih tuah timi poh kha tuah a si ko ti a si.

Cu caah kan unau pa Dr. Ngun Cung Lian zong hi ai chir taktak cang lai. Ruahnak petu bak a si nain voikhat hmanh a muihmai zong a lang bal lo. Zam duh zong zam khawh ti lo. Min Aung Hlaing sin ah le duh ning in um ngam lo.

Tlangcung miphun hriamtlai le PDF pawl nikhat hnu nikhat in an thazang a thawng chin lengmang fawn. Kawl ralhrang lei a thimi an tam chin lengmang fawn. Ralhrang nih rian an tuan kho lo chin lengmang fawn. Mi fanau pa ai chuah sual bak ko cang hih.

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo