Loikaw – Demosoe lampi mipi kal a ngah ti lo

Loikaw – Demosoe lampi mipi kal rih lo ding in ralrin an pek

Kaya ramkulh chung ah ralhrang nih hriamnam ngan he hme he an luhhnawh hna caah a bik in Loikaw- Demosoe lampi mipi kal rih lo ding in ralrin an pek hi a si.

Nangmekhunh khuapi cu KNDF nih caan karlak hnu an piltak chung. Ralhrang nih Demosoe peng Dawngankhar cu hriamngan in an kah lawng si lo in vanlei he Jet Fighter in an kah peng hna caah mipi ralkap KNDF-BO1 nih caan karlak hnu kan i thawn chung. Cucaah mipi pawl Loikaw – Demosoe lampi kal rih lo ding in ralrin an pek chung.

Ralhrang nih lamhla kahnak hriamnam phuntling le Jet Fighter he ruahpi sur bang in an kah caah Dawngankhar khua innlo tampi le biaknak le innlo zong a rawk mi a tamtuk cang tiah KnDF nih cathanh an chuah. Culawng si lo in ralzam pawl an i dornak hmun tiang hriamngan in an kah hna ti a si.
Ralhrang nih tlangcung mipi runvengtu dohnak ah Multiple Rocket Launcher System(MRLS) A hman cang caah tihnung ngaite a si cang ko.

Kaya ramkulh chung mipi ralkap le ralhrang i kahnak ah ralhrang lei tamtuk an thih lengmang caah a tu cu ralhrang nig Multiple Rocket Launcher System(MRLS) timi a hman cang caah caankarlak hnu ah kan i thawn ta tiah KNDF nih thawngthanh.

KNDF hmunhma chungah ralhrang nih tanglei in mipi ralkap pawl cu a tei kho hna ti lo caah a tu hi Soe Win hruainak in Multiple Rocket Launcher System(MRLS) pawl hmannak nawl a pek hna. Multiple Rocket Launcher System(MRLS) hi motor pathum bak he Kaya ramkulh chung an rak lut i kah hram an kan thawk caah caankarlak hnu kan i thawn chung tiah KNDF nih thawng an thanh hi a si.

Caan katlrlak chung ch Demoesoe le Dawngangkha cu KNDF nih hnu kan pialtak chun. Cucaah mipi nih nan kan bawmh ding in tiah KNDF battalion 1 nih thawngthanhnak an tuah.Rqlhrang nih vanlawng he bomb thlak le tanglei in Multiple Rocket Launcher System(MRLS) he an kan kahnpeng caah caan zwimaw hnu kan pial. Mipi lei nih nan si khawh chung in KNDF ralkap pawl rak bawm hram hna uh tiah thawngthanhnak an tuah hi a si.

Demoesoe le Dawngangkha cu hriamngan in an kah lawng si lo in vanlawng in bomb a thlak lenngmang caah Marh 12 le 13 zingka ah Dawngankhar khua cu mei nih a kang tiah theih a si.Nizan zingka cu hriamngan an rak kah mi cu ruahsur in a sur ko. Cung cunglei Jet Fighter zong in an rak kan kah. Chun nitlakte bak mah ti cun an kan kah caah zaanlei sang ah hnu kan pial tiah KNDF nih an chim. Ralhrang pawl cu Khawngankhar no2 ah hmun an khuar i innlo pawl mei in an khangh hna.tuzing tiang an khangh tiah an chim. Mei in an khangh lawng si lo in hriamngan an kah mi nih innlo tampi a hrawk tiah theih a si.

KNDF mipi ralkap pawl nih Demosoe cu ralhrang nih hriamngan he vanlawng he an rak kah hna caah febuary 24 in caan karlak hnu an rak pil tak i a tu March 12 ah Demosoe he aa naihmi Khawngankhar cu hnu an pil tak than hi a si.
RedNewsAgency

Be the first to comment

Leave a Reply

Your email address will not be published.


*