Lungrethei tuk le vansang tuk in na um lio can ah zeidah ka tuah lai

Lungrethei tuk le vansang tuk in na um lio can ah zeidah ka tuah lai timi hi minung kan nunnak fian ngai a haumi a si. Lungretheinak, nun beidonghnak le vansang nak in na khat tikah na pawng ah ho hmanh bawmtu an um lo, lam nai lam hla zong ah ho hmanh bawmtu an um lo. Bawmtu na herh tuk ko nain bawmtu na ngei bak ti lo. Cu lio ah zeidah na tuah lai.

Minung hi kanmah te lawng kan um i kan lungrethei le kan nun bei dongh tuk ahcun mah le mah i thah duhnak lungput hna kan ngei i kan ruah mi thil poh hi lungfaknak le ngaihchiatnak lawngte an si cang. Cu lio can ah bawmtu le hnemtu an um lo tikah mah nunnak i lak zong a fawi te mi a si. Vawlei cung ah cu bantuk minung cu tamtuk an um cang hna. Lungrethei le nun bei dong tuk in na um lio can ahcun a tang lei hna hi na tuah hna lai.

Nangmah lawng in um hlah. Hawi sinah va kal. Lungrethei tuknak le vawlei cung ah nun hmamh huam lo dinh phun in na si ahcun nangmah lawng um tuk hlah. Hawi sinah khin va kal law va um ve. Hawi sin na um ahcun na khuaruahnak le lungput ning tlawmpal ai dang deuh lai.

Vawlei cung ah keimah caah cun keimah ka tha bik ko timi lungput ngei zungzal. Vawlei cung ahhin ho hmanh i bochan hna hlah. Mi nih an kan bawmh lai, mi nih an kan hnemh lai timi zong i bochan hna hlah. Keimah caah cun keimah hi ka tha bik. Keimah caah cun keimah hi bawmtu ka si timi lungput le ruahnak ngeih khawh i zuam.

Bible rel, thlacam, Cauk thatha le video thatha hna kha zoh hna. Na lungretheinak le na vansang nak pawl kha tlawmpal na philh khawhnak ding ah Bible rel law Pathian sinah na sining vialte kha ap. Cauk na ngeih mi thatha hna kha rel hna. Video na zoh huam phun pawl kha zoh hna law cikhat nan khuaruahnak an thlen deuh ko lai. Na harsatnak le lungretheinak kha na philh deuh ko lai.

Fak tuk in khuaruahnak nihhin thluak zong a hrawh khawh. Lungtur ngeihnak zong a si. Mi tlamtling lo ah i chuah zong a fawi te. Cu ruang ahcun mah bantuk thil na ton can ah ralring tein um zungzal.Credit-Chinlandmedia

Be the first to comment

Leave a Reply

Your email address will not be published.


*