Mah hi hmanthlak ning asi ah cun Chin le Karenni (Kayah) ah hin

Mah hi hmanthlak ning asi ah cun Chin le Karenni (Kayah) ah hin mipi nih ralhrang hi an iap bik hna tinak asi. Chinram lebang ah cun highway le an camp umnak lawng ralhrang nih an control khawh cang tinak asi.

Dohthlennak ah hin an nih an tthawng e, an nih hriam an nei e timi nak in abiapi deuh mi cu mipi nih zeitluk in dah an mah le an khua le an ram an irunven khawh ti kha asi.

Mipi dihlak ttantti in doh mi ral cu teinak an hmu zungzal. Atu chanthar tuanbia ah zalon nak ahmu mi hna pawl le ram a ser kho mi hna hi ramchung le ramleng thazaang fonh in a ttang thiam mi hna nih hin ram an ser khawh tawn.

Isreal timi ram Chin miphun nih kan uar ngai mi hna zong khi, ram chung le ram leng an ttang rual tti, mang an manh tti, thazaang an chuah tti hnu ah ral tampi nih an kulh hna bu ah adir mi ram asi ti cu kan theih cia dih mi asi.

Nai hrawng ralhrang kan doh nak ah Khuazing Pathian nih zeitluk in dah a kan hruai i akan umpi timi hi fangtuk in a lang. Thla fakpi in kan cam lai, fakpi in rian kan ttuan lai. Lungrual te in kan ttang ttual mal hna lai. Teinak cu Pathian nih a kan pek hrimhrim lai.Credit-Chakkhum Pa

Be the first to comment

Leave a Reply

Your email address will not be published.


*