Mah Hna Pawl Cu An Ropui Ko,An Thinlung A Thawng Bak

Mah hna khua cu an ropui bak ko. Kan inn cu nan khangh khawhnak nain kan thinlung le kan vawlei cu nan khang kho lo ti bak a si ko.

Myanmar ram ah ralhrang nih uknak an lak hnu ah inn tampi mei in an khangh. Khua tampi ciam dih in mei in an khangh hna. Kawl rawn lei khuate zong tampi mei in khangh an tong.

A bik in kanmah Chinram hi ralhrang nih inn an kan khangh piak. Mindat peng le Matupi peng zong ah ralhrang nih inn tampi an kan khangh piak. Falem peng zong ah ralhrang nih inn tampi an khangh hna.

A bik in Thantlang khuapi cu inn kang tam bik a si. Ralhrang nih inn 1000 hrawng an khangh cang. Biakinn zong tampi an khangh hna. Thantlang khuapi minung na um ti lonak inn kha ralhrang nihcun an khangh hna.

Uico ralhrang nihhin kan inn le kan lo cu mei in khang ko hna hmanh sehlaw kan thinlung, kan ruahnak, kan zumhnak le kan vawlei cu mei in an khang kho hlei lo. Kan inn cu ciam dih hmanh seh, kan inn cu um ti lo hmanh sehlaw kan ruahnak, kan thinlung, kan zumhnak, kan thazang cu a ciam kho lo a um zungzal ko.

Be the first to comment

Leave a Reply

Your email address will not be published.


*