Mahtluk A Ropui Mi Company PinZong Nih Nihin Ah Myanmar Cu Byebye A Ti Ve Hoi

France Zinan Company Tat pi nih Myanmar ram kan chuahtak ve cang lai tiah a thanh ce cang. Ramleng company vialte nih Myanmar tam cu an chuahtak thluahmah cang ko.

SAC ralhrnag nih uknak lak ruangah a chiatuk cang mi Myanmar ram ram cu ramleng company pipi nih an chuahtak thluahmah cang. France zinan companypi Total zong nih nihin July 20 ah Myanmar ram cu a dihlak in ka chuahtak cang tiah thawngthanhnak a tuah ve cang.

SAC ralhrang nih uknak lak hnu ah a chang mi minung covo buarnak ruangah Tital company pi cu a rala mi thla6 chungah a dihlak in kan chuahtak dih lai tiah a liamcia January thla chung ah khan biachahnak an rak tuah cang mi a si.

An chuahtak hlan thla 6 chungah Shares pawl cawkzuar nak pawl an tuah i nihin ahcun Yadana Gas Project ah Shares ngeitu , Operator sinak in kan chuak cang tiah thanhnak an hun tuah taktak cang.

Total i Shares cu Thailand ram ngeihmi PTTEP company nih a cawk hna tiah theih a si. Cun Total company nih a thanh ningah Myanmar vunthan pawl cu Operator a that kuttang zongah a hlan an sining tein lahkhah an pek hna lai tiah an telh chih. Mah company cu kum 25 tluk a chan a sau cang mi hna an si. A tucu Thai PTTEP nih a hruai cang hna lai. Ref-People Springs

Be the first to comment

Leave a Reply

Your email address will not be published.


*