Mai Mary He Biaruahnak- Biaruahtu Salai The Riak

Pur Thla Thinthang Mekazin

Salai Le Mai Biaruahnak

Mai Mary He Biaruahnak

Biaruahtu : Salai The Riak

Atulio kan ram boruak le furpi caangvut lak ah nungak Mai Mary kan leng. Ralzam dirhmun le CDM sianghngakchia in a umlio si ko hmanhseh, a mithmai a panh i a hmurka a thlum. Len a nuam bak. Tlangval pawl nih nan ka cah bantukin kan halpiak ko hna___asi nain, theihtak le hngalhtak a duhmi nihcun an mah pumpak in rak ka hal ko hna seh tiah an leh hna! Amui ai dawh i a pumrua zong a tha lawlaw. A hmu bal nihcun voikhat zoh lawng si loin voinawlh zoh than ta loin cun mit sia a remlo bantuk khi asi an ti bak. Cucaah, biaruahnak hi hrelhlo in na hun rel a hau! Na rel lo ahcun nai chiar sual lai tiah biaruahnak lei ah…

The Riak : Nan inn chungkhar le na sianginn kainak kong a tawifiannak in na kan chim kho hnga maw?
Mai Mary : Pu Ro UK Cung le Sayamah Hluan Thai hna i an fanu fangkhat ka si. Tangcheu in tangsarih tiang hi B.E.S.H Thantlang ah ka kai i tanghriat le tangkua cu Hakha No.1B.E.S.H ah ka kai. Tanghra cu Yangon Myat Ar Man Pravite school in teinak ka hmu. Dagon University ah Depertmant of Psychology kum khatnak ka kai lio ah Covid-19 le Min Aung Hlaing nih nawlngeihnak an laak ruangah kai lim manhlo.

The Riak : Atulio na dirhmun le kan kawlram sining na kan chim kho hnga maw?
Mai Mary : Atulio cu CDM Sianghngakchia dirhmun in ka umlio asi. Min Aung Hlaing nih nawlngeihnak a laak cu mizapi nih kan theih dihmi asi bantukin a lamkip in doh a hauh caah kan pawngkam zohthiam le umtu thutdir zong kan i ralrin a herh ngai lio caan asi.

The Riak : Atulio kan kawlram hi uk tu le hruaitu kan ngei ko tiah na ruat maw?
Mai Mary : Ka ruat lo. A ruang cu Min Aung Hlaing nih hin a kan uk in a kan hruai kho lo hrimhrim tiah ka ruah.

The Riak : Atulio kawlram chung sianginn kai mi hna na hmuhning?
Mai Mary : Taanghra a phan rihlo mi Sianginn a kai mi hna cu ka mawchiat lem hna lo. Nain, taanghra le University a kai mi hna hi cu Min Aung Hlaing nawlngeihnak a cohlang mi an si ko tiah ka hmuh hna.

The Riak : Na cawnmi he pehtlai in atulio na dirhmun ah hin na hmang kho maw?
Mai Mary : Ka hman khawh ko. A ruang cu ralzam in ka umnak hmun ah sianginn an hun caah hngakchia ca ka chim hna i ka hman khawh ngai ko tiah kai hmuh.

The Riak : Kan ram tha sehlaw sianginn kai peh nai tim maw?
Mai Mary : Kai tim bak ko.

The Riak : Ramkhel timi le dothlennak timi nai fianning?
Mai Mary : Ramkhel timi cu mizeipaoh nih tuah khawhmi asi i dohthlennak timi cu mizeipaoh nih tuahkhawhmi thil asi lo i ram le miphun dawtnak thinlung a ngei taktak mi nusal tha le pasal tha lawng nih tuah khawhmi asi tiin kai fianning asi.

The Riak : Salai le Mai timi an sullam nai fianning?
Mai Mary : Nusal tha le pasal tha tiah kai fianning asi.

The Riak : Nu le pa hi kan i khat ko tiah na ruat maw?
Mai Mary : Ka ruatlo. Nu cu nu kan si i pa cu pa an si ko.

The Riak : Na pasal/va hrangah na uar phun?
Mai Mary : Zohchun awktlak le bochan awktlak mi.

The Riak : Na duhmi le na chungkhar duhmi i khat hlah sehlaw zeitin?
Mai Mary : Ka chungkhar duhpiak mi cu a tha deuh ko lai.

The Riak : Chin miphun hi zeitik ah dah kan i funtom khawh te hnga?
Mai Mary : Pakhat le pakhat theihthiamnak le dawtnak a um ahcun kan i funtom kho ko lai tiah ka ruah.

The Riak : Ka nun lamhruaitu tiah tlaihtleng na ngeihmi a um maw?
Mai Mary : SLM = 23

The Riak : Kan hal lomi chungin chim na duhmi a um maw?
Mai Mary: A umlo.

The Riak : Kan halmi chungin na uarbik mi question le na uarlobik mi?
Mai Mary : Ka uarbik cu Question 7nk asi i ka uarlobik mi tiin cun a umlo.

The Riak : Thinthang careltu sinah chim le cah na duhmi a um maw?
Mai Mary : Atu bantukin Thinthang Mekazin nih mizapi sinah theihternak nan ka tuahmi cunagah kai lawmtuk. Hi dothlennak hi kan tei hrimhrim lai caah kan mah le kan thiltikhawh ning cio in le lungthawng te le teimakchuah bu tein cawlcang cio ko hna usih.

The Riak : Na caan na kan hrawmh caah kan i lawmtuk.
Mai Mary : Kai lawmtuk ve.


Pehtlaihnak : 09255626657
Fb : Mary
Tungsan: 5’3
Taang : 31
Tawk : 35
Tai : 25
Tanpor :12’3
Credit-Thintang

Be the first to comment

Leave a Reply

Your email address will not be published.


*