Malaysia Ah A tanglam in a kalmi Minung 15 Tuzingah an tlaih hna

Thairam chungah phungning lo in a lut i Malaysia ram chung ah peh zulh in lut a timmi Myanmar ram mi minung 14 hna cu Thai cozah polik nih tuzing May 5 zingka ah an tlaih hna tiah theih a si.

Myanmar minung 14 phu hna cu Thai ram thlanglei ramri Sadaung pengkomh chung tupi chung hmun pakhat H Thai polik pawl le cozah le ralkap pawl i fon in kawl hawlnak an tuah zingka suimilam parhum ah an tlaih hna.

An tlaih mi hna chung in pa 10 le nu pali an si hna i Thai ram chungah a liamcia April 21 ah Kawhtaung le Tilawng he a rak lut mi hna an si tiah Thai cozah nih an chim. Cuticun Malaysia ram chung lei in phungning lo in pehzulh in lut than an i timnak ah an tlaih mi hna an si.

May 4 ah mah Myanmar rammi minung 14 hna cu Pickup motor pakhat in an hngalh lo nak hmun pakhat ah an kalpi hna i hnu ah Thai ram Sungkhalar hmun ah an kalpi rih hna lio ah a tu bantuk in polik nih an tlaih hna hi a si.

Tlaih a tong mi hna chung in cheukhat cu Thai holh an chim khawh hna i Yangon le Rakhin ram chung hna i Malaysia ram ah rian tuan ding kalnak hi minung pakhat ah Puaisa khah Thai phaisa 30000 an kan lak tiah Polik nih an biahalnak hna ah an chim.

Cu hna cu Sadaung polik sakhan ah kuat an si hna i Covid an nei le ngei lo test nak an tuah khawh cang hna. Upade ning inphungning lo in ramri a rak longtu an si hna caah dantatnak kan tuah hna lai tiah thawng theih a si.DVB

Be the first to comment

Leave a Reply

Your email address will not be published.


*