Malaysia Ah Chin Pa Pahnih Nih Chin Pa T Varotha Thah Dingah A Inn Ah An Kal Hnawh

Malaysia ram ah Chin mi le Chin Mi thah ding in an i kawl
Chokhleipar

Malaysia ram ah riantuan in a um mi Chin mi U za Ling le Ko Si Za Bi hna cu zu an rit i T Varotha thah ding ah kum 2022 June nikhat cawn nithum suimilam 1:15pm tluk ah a umnak inn ah an va kal hnawh tiah T Media News nih tuzing ah a tial.

T Varotha thah a timhtu an pahnih hi Chin ramkulh Thantlang peng ah a ummi an si hna i CDF a bawmtu hna zong an si tiah theih a si. An pahnih lawng si lo in a dang minung pali nga zong an i tel. Zaan a si caah a ho te dah an si timi cu fiang in kan theih hna lo tiah an tial.

Kan inn ah an ra i an rak ken mi Fung an rak ken mi he kan kutka cu an tuk len lengah an lamh chih len. Innka on ding in a phunphun in an i zuam. Kan in thah lai tinzong in an chim tiah T Media News nihcun an tial chih.

T Media nih a tial hnu suimilam cheu tluk ah Ko Si Za Bi nih a facebook chung ah T Varotha cu tuzan kan thah lai i na sa kan ei lai tiah a tial. A ei duh mi poah Malaysia Kepong ah mi kan i khawm hna lai tiah a tial chih.

Ralhrang nih uknak an lak hnu ah dothelnnak phukhat le phukhat karlak i hmuhthiam lo nak a tam leng ah Dothennak phu tanhhlei ngeih hlei ah pakhat le pakhat nunnak i thihphaih ding in le dalan timi min bunh in i thah nawnnak zong a tam cang.

Mara miphun karlak MATC le CDF-Mara phuhnih karlak ah i theihthiam lo nak a tam caah a rauh hlan ah tlamtlin hram ko hna seh tiah duhsaknak kan nei ko.T Media News

Be the first to comment

Leave a Reply

Your email address will not be published.


*