MANGARA BAK~Ralhrang 105 Nih Citmi Motor Thluan Sawp Viar In An Kah Caah Ceilak An Thi

Chaung Oo le Minmu karlak ah ralhrang uico pawl 105 nih rak citmi motor thluan cu bomb in an kah caah uico 26 an thah hna i Monyua le Mandalay lamthluan pi ah ralhrang uico bomb in an kah ve hna caah ralhrang tampi an thah rih fawn hna.

Chokhleipar 21 / June / 2022 ~ Sagaing ramthen Chaung Oo le Minmoe peng chung Nayyekan kam ah ralhrang uico 105 nih an rak i citmi motor thluan pi cubJune 21 ah mipi ralkap nih bomb in an kah hna caah ralhrang uico 26 nak tam an thah hna tiah Bo Nay Toe Special Guerrilla Forces in theih a si.

Mah ralhrang motor thluan cu Myaung peng Bo Nay Toe Special Guerrilla Forces le a tangti hriamtlai he bomb le hriamngan in an kah hna. “Mytel thlen hriamngan i boithum kan kah hmasa hna. A hnu ah bomb pathum in kan kah than hna. Hmaifawng motor pathum chungah pahnih cu tha tein kan khen. Cun a dang a hung kai than bak ah bomb in kan kah than i kan khen than caah motor pathum bak kan khen hna. Uico a thimi hna hi cu a tlawmbik 26 cu an si lai” Bo Nay Toe Special Guerrilla Forces chungtel pakhat nih a chim.

“Cun Monyua -Mandalay lamthluan pi ralhrang motor thluan 57 cu mipi ralkap nih bomb in an kah ve caah ralhrang uico minung 20 nak tam an thi ve lai”PDF – South Monywa nih an chim.

Be the first to comment

Leave a Reply

Your email address will not be published.


*