Skip to content
Home » Mara Defence Force Nih CDF Mara An Kah Than Caah CDF Mara Nih Lehrulh Ding In Cathanh an chuah cang

Mara Defence Force Nih CDF Mara An Kah Than Caah CDF Mara Nih Lehrulh Ding In Cathanh an chuah cang

CDF Mara nih 2022, October 3 ni ah MATC/MDF phu nih a thli tein an kah hna kong cu tu naite kha cathanh an chuah. An cathanh chuahmi cu a tanglei bantukin aa tlak ning in kan van leh chin.

Thawngthanhnak: 2022 kum, October 3 ni ah MATC/MDF nih CDF – Mara ralkap pawl cu a thli tein an ngiar i an kahmi kong ah CDF – Mara nih a tanglei bantukin cathanh kan chuah.

1nak. 2022 kum, October 3 ni ah CDF- MARA headquarter in Tatmaha (2), No. (3) Tatzin ah hriamnam ken loin (mipi thuam he) a rak kir thanmi CDF – Mara ralkap hna cu MATC/MDF nih a thli tein an ngiar in an kah hna.

2nak. MATC/MDF nih a thli tein kah a tongmi kanmah CDF – Mara ralkap hna cu hriamnam an i ken lo caah an kah ve khawh ti lo i, him tein hnu an tolh kho.

3nak. 2021 kum, March 25 ni zong ah MATC/MDF nih hriamnam aa ken lomi CDF – Mara Tatkhuaihmu (Palek CDM) an thah pinah, Commander in Chief (စစ်ဦးစီးချုပ်) le adang ralkap pakhat (an dihlak CDF – Mara ralkap 3) hliamhma an tuarter bal cang i,

Atu zong CDF – Mara ralkap hna cu timh ciammam in a thli tein an ngiar i an kahmi cu CDF – Mara nih a herh ning in lehrulhnak kan tuah lai tiah thawngthanhnak tuah kan duh. (A tanglei ah Kawl ca in an tialmi fiang deuh in rel chih khawh a si.) Chinland Defense Force – Mara

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo