Matupi ah khuami 2 SAC ralhrang nih an thah hna


Matupi peng, Ngalai khua ah SAC ralhrang nih khuami minung 2 cu an tlaih hna hnu ah an thah hna, tiah Matupi uknak lei bu nih thawng an thanh.

January 15, zinglei sml. 9:00 hrawng ah kan SAC ralhrang tampi nih CDF-Matupi battalion (2) sakhaan an luh hnawh hna i miphun ralkap pakhat a nunnak a liam.

SAC ralhrang nih Ngalai khuate inn tampi le biakinn an khangh pin ah khuami pahnih zong hi an tlaih hna.

Khuami pakhat ruak cu inn he an khangh chih i, a dang pakhat hi khua thlanhmun ah an hlonh tiah Matupi peng uknak lei bu nih an thanh.

Nizan ah khan CDF-Matupi, CDF-Zotung le CDF-Mara i bawm in SAC ralhrang cu voi 5 an kah hna i ralhrang 17 an thi.



Source link

Add a Comment

Your email address will not be published. Required fields are marked *