Matupi Thawngpang Thar SAC Ralhrang Nih An Tuah

Matupi ah ralbawi pakhat thah a ton ruangah tlaih a tongmi 6 chungin 2 an thlah hna

Chin ramkulh, Matupi khua ah hram a bunhmi Infantry 140 in Major Tan Win Naing thah a tonnak he pehtlai in SAC ralkap nih tlaihmi mipi 6 chungin 2 cu an thlah cang hna tiah theih a si.

Matupi peng chungah CDM tuah a duhmi ralkap le Matupi peng chung hriamtlai pawl ṭha tein a ngiathlai cu Major Tan Win Naing cu July 15 ah CDF-Matupi nih an thah khawh.

Cu kong he pehtlai in a pawngkam ah a ummi khuami 6 cu SAC ralkap nih an tlaih hna tiah theih a si.

Ralkap htoh-hlan-zi a simi Major Tan Win Naing thawngpek ruangah CDM tuah aa timmi ralkap 7 thah an tong i 4 thongthlak an si lengah June 25 ah Matupi khuanu pakhat cu amah kut in a thattu zong a si tiah CDF-Matupi nih a thanh.

Cucaah CDF-Matupi nih Major Tan Win Naing cu Matupi khualeng ah an lem i July 15 ah an thah khawh.

Cu thil sinning ruangah tlaih a tongmi hi pa 3 le nu 3 an si i SAC nih an thlah ṭhanmi hna hi nu 1 le pa 1 an si tiah Khonumthung Burmese thawngthanhnak in theih a si.Credit-Chinlandpost

Be the first to comment

Leave a Reply

Your email address will not be published.


*