Maw Matupi Na Thawngpang Theih Cu 😭

Matupi peng khuate kip ah raifanh zawtnak a karh caah a thi mi an tam tiah theih asi.
Chokhleipar

Chin ramkulh Matupi pengchung khuate tampi ah raifanh zawtnak a hun chuak than caah naite June 4 ah khan CDF Matupi paraltha pakhat cu a caan chung te ah ah an zohkhenh khawh lo i a nunnak a liam.

Raifanhnak zawtnak he pehpah in khuapi ah i zohkhenhnak ding sii tlamtling un a um lo.Ngandamnak lei riantuantu an um lo caah tutan raifanh zawtnak hi a karh tuk hringhran kho tiah raifanh zawtnak department riantuantu pakhat nih a chim.

Kum caansaupi raifanh zawtnak kan rak zohkhenh mi chung kan hmuhton ning in tutan raifanh zawtnak a karh ning hi a sawhsawh a si hrim lo. Nunnak tampi a liam kho i sii ai a um lo, i runvennak si kan ngei lonlengah sii toih mi khiangthawng zong kan ngei lo. Cun raifanh zawtnak a zohkhenh thiamtu sii lei riantuantu zong kan ngei hna lo caah a tuhi khuakip thinphang in kan um ko hna.

A hlan ahcun Matupi peng chungah raifanh zawtnak a do tu phu MRCS he i gonh in minung 75 leng kan rak thlah hna i khuate kip kal in raifanh zawt tik ah i zohkhenh ning cang cawnpiak le Sii toih mi khiangthong phawtzamhnak rak tuah ton a si.

Chin ramkulh chung ah hin Raifanh zawtnak a tambik nak hmun tiah cazin an rak lak ning ah Matupi le Kampalete hi an si i Mindat peng chung ah hin Makuaiinnnubkhua le Kampat khua hna hinan si.

Tu hi Matupi khuapi siizung le siikhan ah ai zohter mi hna hi Raifanh zawtnak deuh lawngte an si hna tiah theih a si.Myanmar ramchung ah hin Khuapi 330 chungah 291 peng ah hin raifanh zawtnak a chuahnak hna an si caah raifanh zawtnak hi tha tein i zohkhenh thiam lo ahcun nunnak a liam mi an tam tuk tonnak a si.
Crd;Mizzima

Be the first to comment

Leave a Reply

Your email address will not be published.


*